مەكتەپ وقۋشىسى تاتارستان پرەزيدەنتىنىڭ كومەكشىسى اتاندى
ونىنشى سىنىپ وقۋشىسى تاتارستان پرەزيدەنتىنە حات جازىپ، قالا ورتالىعى مەن تاتار ءتىلىن دامىتۋ بويىنشا ۇسىنىستارىن ايتقان. وقۋشىنىڭ تالاپ- تىلەكتەرىن قۇپتاعان پرەزيدەنت اقىرىندا ونى ءبىر كۇن بويى ءوزىنىڭ كومەكشىسى بولۋعا شاقىرعان.
اميل نۋرۋلليننىڭ بۇگىنگى كۇنى اپتا سايىن وتەتىن پرزيدەنت جيىنىنان باستالدى. پرەزيدەنت رۋستام ميننيحانوۆ وقۋشىنى ءوزىنىڭ قىزمەتكەرى ءارى كومەكشىسى رەتىندە تانىستىرعان.
رەسمي جينالىستان كەيىن رۋستام ميننيحانوۆ پەن اميل نۋرۋللين نيجنەكامسك ايماعىنا بەت الدى. ولار «تانەكو» مۇناي وڭدەۋ كەشەنىن ارالادى.
بۇدان كەيىن اميل پرەزيدەنتپەن بىرگە ەلدىڭ مۇنايلى استاناسى المەتيەۆسك قالاسىنا بەتتەمەك. پرەزيدەنت پەن ونىڭ جاس كومەكشىسى اۋرۋحانانىڭ اشىلۋىنا قاتىسپاق.
سونداي-اق، تاتارستان باسشىسى باق وكىلدەرىمەن رەسمي جيىن وتكىزبەك. اتالعان شاراعا وقۋشى اميل نۋرۋللين دە قاتىسادى.