ەرەكشە، تىلسىم دا قۇپيا قۇبىلىستار ادامدى نەگە تارتىپ تۇرادى؟ امەريكالىقتاردىڭ كەم دەگەندە 75 پايىزى تىلسىم قۇبىلىستارعا سەنەتىنى بەلگىلى بولدى. ولاردىڭ اراسىندا ءاربىر بەسىنشى ادام ەلەستى ءوز كوزدەرىمەن كورگەنىن ايتقان.
وسىنداي ەلەس كورىنىستەرگە سەنەتىندەردىڭ ىشىندە اتاقتى ادامدار دا بار. كەزىندە ۋينستون چەرچيلل، ارتۋر كونان دويل، الان تيۋرينگ ەلەس كورگەندەرىن نەمەسە ولارمەن ءتىپتى بايلانىستا بولعاندارىن جۇرتشىلىققا جاريالاعان. بۇعان مىسال رەتىندە ۇلىبريتانيا پرەمەر- ءمينيسترى بولعان ۋينستون چەرچيلل اق ۇيگە رەسمي ساپارلارىنىڭ بىرىندە ا ق ش پرەزيدەنتى اۆراام لينكولننىڭ ەلەسىن كورگەنىن سەنىممەن ايتقان. سول كەزدە چەرچيلل پرەزيدەنتپەن امانداسىپ، وعان جاۋاپ رەتىندە اۆراام لينكولن جىميىپ، جوق بولىپ كەتكەندىگى تۋرالى شەتەلدىك ب ا ق- تاردا جازىلعان بولاتىن.
پسيحولوگتار ادامنىڭ وسىنداي تىلسىم بەينەلەردى كورۋى ميدىڭ زاقىمدالۋىنا بايلانىستى دەگەن جورامال ايتادى. ولاردىڭ تۇجىرىمداۋىنشا، كوپتەگەن «ەلەس» - جارىقتىڭ تومەن دەڭگەيى، اعزانىڭ اسا قاتتى شارشاۋى نەمەسە ەسىرتكى زاتتارىن قولدانۋدان تۋاتىن ۆيزۋالدى يلليۋزيانىڭ ناتيجەسى.
ادام ميى شىن مانىندە جوق بەلگىلى ءبىر ورنەكتەردى، كورىنىستەردى ىزدەۋگە ۇمتىلادى. سونداي- اق، تىلسىم دۇنيەلەرگە نانعىش ادامدار سۋرەتتەردەگى جاسىرىن بەت- الپەتتەر، دەنەلەر مەن ەرەكشە جارىقتاردى تابۋعا جانە ولاردىڭ راستىعىنا سەنۋگە بەيىم كەلەدى.
Baq.kz