بۇل شەشىمدى 128 مەملەكەت، سونىڭ ىشىندە ب ۇ ۇ قاۋىپسىزدىك كەڭەسىنىڭ ا ق ش- تان وزگە تۇراقتى مۇشەلەرىنىڭ بارلىعى قولداپ داۋىس بەرگەن. توعىز مەملەكەت قارارعا قارسى داۋىس بەرسە، 35 ەل قالىس قالعان.
بۇعان دەيىن ب ۇ ۇ قاۋىپسىزدىك كەڭەسىنىڭ وسىنداي مازمۇنداعى قارارىنىڭ جوباسىنا تۇراقتى مۇشەلەرىنىڭ بارلىعى قولداۋ ءبىلدىرىپ، تەك وعان قارسى بولعان ا ق ش ۆەتو قويعاسىن ب ۇ ۇ باس اسسامبلەياسىنىڭ شۇعىل وتىرىسى شاقىرىلعان. ب ۇ ۇ باس اسسامبلەياسىنىڭ بەيسەنبىدە قابىلداعان قارارىنىڭ ءماتىنى ۆاشينگتون ۆەتو قويعان جوبادا ايتىلعاندى قايتالايدى.
قابىلدانعان قاراردا يەرۋساليمدى يزرايل استاناسى دەپ تانۋدان باس تارتۋعا شاقىرعان، ءبىراق ماتىندە ا ق ش اتالمايدى. سونىمەن بىرگە قۇجاتتا يەرۋساليمنىڭ مارتەبەسىنە قاتىستى ب ۇ ۇ قاۋىپسىزدىك كەڭەسى قارارىنا قايشى كەلەتىن «شەشىمدەردىڭ زاڭدى كۇشى بولمايتىنى» ايتىلعان.
بۇعان دەيىن ا ق ش پرەزيدەنتى دونالد ترامپ ۆاشينگتون بۇل قارارعا قولداۋ تانىتقان ەلدەرگە قارجىلاي كومەكتى شەكتەيتىن بولادى دەپ ۋادە ەتكەن. پالەستينا بيلىگى ا ق ش- تى ب ۇ ۇ- عا مۇشە ەلدەرگە «قوقان- لوقى كورسەتتى» دەپ ايىپتاعان.
جەلتوقساننىڭ 6- كۇنى پرەزيدەنت ترامپ ا ق ش- تىڭ يزرايلدەگى ەلشىلىگىن تەل- اۆيۆتەن يەرۋساليمگە كوشىرۋگە دايىندالا باستاۋعا پارمەن بەرگەن. دايىندىق جۇمىستارى ءۇش جىلدان ءتورت جىلعا دەيىن جالعاسۋى مۇمكىن. ترامپتىڭ شەشىمىن اراب ەلدەرىنىڭ كوبى قاتتى سىنعا الىپ، پالەستينا تەرريتوريالارىندا جاپپاي نارازىلىق اكسيالارى مەن تارتىپسىزدىكتەر باستالعان.
يزرايل يەرۋساليمدى ءوزىنىڭ ءبىرتۇتاس جانە بولىنبەيتىن استاناسى دەپ سانايدى. ب ۇ ۇ يەرۋساليمنىڭ شىعىس بولىگى زاڭسىز باسىپ الىنعان دەپ بىلەدى. 1995 - جىلى ا ق ش كونگرەسى يزرايلدەگى امەريكالىق ەلشىلىكتى يەرۋساليمگە كوشىرۋ تۋرالى زاڭ قابىلداعان، ءبىراق قالانىڭ مارتەبەسى داۋلى بولعاندىقتان، ا ق ش ديپلوماتيالىق وكىلدىگى تەل- اۆيۆتە قالعان ەدى. جاقىن ۋاقىتقا دەيىن ۆاشينگتوندا يەرۋساليم 1948 -جىلى بريتاندىق ماندات مەرزىمى اياقتالعان سوڭ ەش تاراپقا تيەسىلى ەمەس جانە قالا مارتەبەسى بەيبىت كەلىسىمگە قول قويىلعاننان كەيىن عانا انىقتالادى دەگەن ۇستانىم بولعان ەدى.
www.azattyq.org