قۇرمانعازى كۇيى مەن ابايدىڭ اۋەنى سەۋل ساحناسىندا شىرقالدى
كورەرمەندەرگە كىتاپتار سىيعا تارتىلىپ، بەس ەلدىڭ ۇلتتىق تاعامدارىنان ءدام تاتقىزدى. ساحناعا قازاقستان اتىنان «سازگەن سازى» فولكلورلىق- ەتنوگرافيالىق ءانسامبلى شىقتى. ارتىستەر قۇرمانعازى كۇيلەرىن ورىنداپ، اباي قۇنانبايەۆتىڭ اندەرىن اۋەلەتتى.
ارايبەك اسقار، فولكلورلىق- ەتنوگرافيالىق «سازگەن سازى» ءانسامبلىنىڭ ءارتىسى:
- كورەيا حالقى بىزدەن قۇرمانعازىنىڭ «اداي» كۇيىن سۇراعان بولاتىن. ءبىز ارينە، تاڭعالدىق ويتكەنى قۇرمانعازى بابامىزدىڭ «اداي» كۇيى وسى جاقتا دا سونداي تانىمالدىققا يە بولعانى - ءبىز ءۇشىن ۇلكەن قۇرمەت. ءوزىمىزدىڭ باس اقىنىمىز اباي قۇنانبايەۆتىڭ اندەرى، «كوزىمنىڭ قاراسى» بولسا دەپ، سۇرانىستار ءتۇسىپ جاتتى. ءبىز وتە قۋانىشتى بولدىق جانە جوعارى كوڭىل كۇيمەن، قۋانىشپەن سول شىعارمانى حالىققا ۇسىندىق.
يو ي گۋ، سەۋل مۇناي كومپانياسىنىڭ قىزمەتكەرى:
- مەن ورتالىق ازياداعى بەس مەملەكەتتىڭ حالىق اۋەندەرىن العاش رەت ەستىپ تۇرمىن. وتە قىزىق جانە كوڭىلدى ءوتتى. كورەيلىكتەردىڭ ازيالىق مۋزىكاعا قىزىعۋشىلىعىن وياتۋ ءۇشىن وسىنداي شارالار ءجيى ۇيىمداستىرىلىپ تۇرۋى كەرەك. مەرەكەلىك كونتسەرتتى اشقان تۇرىكمەن جانە قازاق اۋەندەرى ەرەكشە ەستە قالدى. مەن بۇرىن- سوڭدى قازاقستاندا بولماپپىن. ياعني قازاق مۋزىكاسىمەن العاش تانىسۋىم. ءبىر تىڭداعاندا ازيالىق اۋەندەر ۇقساس سىندى. دەگەنمەن ءار قايسىسىنىڭ وزىنە ءتان ەرەكشەلىگى بار.
www.24.kz