شاڭحايدا قازاق ءتىلى مەن مادەنيەتى ۇلىقتالدى

بەيجىڭ- شاڭحاي. قازاقپارات - شاڭحايداعى ق ر باس كونسۋلدىعى شاڭحاي شەت تىلدەرى ۋنيۆەرسيتەتىمەن بىرلەسىپ قازاق ءتىلى مەن مادەنيەتىنىڭ اپتالىعىن وتكىزدى، دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.

«رۋحاني جاڭعىرۋ» باعدارلاماسىن ىسكە اسىرۋ اياسىندا وتكىزىلگەن شاراعا شاڭحاي قالاسى حالىق ۇكىمەتىنىڭ وكىلدەرى، ساراپشى ۇيىمدار، قازاق دياسپوراسى، ۋنيۆەرسيتەت ۇستازدارى مەن قازاقستاندىق ستۋدەنتتەر، شەتەلدىك ديپلوماتتار جانە ب ا ق وكىلدەرى قاتىستى.

اپتالىقتىڭ قۇرمەتتى قوناقتارى قاتارىندا قىزدارىمەن بىرگە كەلگەن قازاقستاندىق جانە قىتايلىق سازگەرلەر باقىتجان بايقاداموۆ پەن شيان شينحاي بولدى.

قازاقستاننىڭ قىتايداعى باس كونسۋلى جوشىحان قىراۋبايەۆ ەكى ەل اراسىنداعى ديپلوماتيالىق قارىم- قاتىناستارعا توقتالا كەلىپ، ءبىزدىڭ ەلدەگى ىسكە اسىرىلىپ جاتقان مەملەكەتتىك باعدارلامالار، ماڭگىلىك ەل يدەياسى تۋرالى ايتتى.

مادەني اپتالىق اياسىندا «كوشپەندىلەر» جانە «جاۋ جۇرەك مىڭ بالا» فيلمدەرى كورسەتىلدى.