ۋران جەتكىزۋ گەوگرافياسى كەڭەيتىلەدى - قازاتوم ونەركاسىپ
«قازاتومونەركاسىپ ماركەتينگ قىزمەتىن نىعايتۋ جولىندا قوسىمشا تابىس پەن جەتكىزۋ گەوگرافياسىن كەڭەيتۋ ءۇشىن بەلسەندى قىزمەت اتقارىپ كەلەدى. وسى ماقساتپەن 2017 -جىلدىڭ ماۋسىم ايىندا شۆەيساريادا «Kazakatom AG»ترەيدينگ كومپانياسى قۇرىلدى»، - دەدى ول.
ونىڭ ايتۋىنشا، سەرىكتەستەرمەن قارىم- قاتىناس تا بەلسەندى جۇرگىزىلۋدە. قىتايلىق «CGNPC» كومپانياسىمەن بىرگە ءۇلبى مەتاللۋرگيالىق زاۋىتىنىڭ بازاسىندا جىلۋ بولگىش قۇرامالار شىعاراتىن زاۋىت سالىنىپ جاتىر. كانادالىق «Cameco» كورپوراتسياسىمەن «ينكاي» قازاقستان- كانادا بىرلەسكەن كاسىپورنىنداعى قازاتوم ونەركاسىپ ۇلەسىن 40-تان 60 پايىزعا دەيىن جەتكىزۋ جونىندە كەلىسىمگە قول قويىلدى.
«مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنداعى تاپسىرمالارىن ورىنداۋ ماقساتىندا اۆتوماتتاندىرۋ، سيفرلاندىرۋ جانە روبوتتاندىرۋ بويىنشا ءبىرقاتار جوبالار ىسكە اسىرىلىپ كەلەدى. ماسەلەن، «قازاتوم ونەركاسىپ- SaUran كاسىپورنى دايىن ءونىمدى ىدىسقا سالۋدىڭ روبوتتاندىرىلعان جەلىسىن ىسكە قوستى. ول ادامي فاكتوردى بولدىرماستان وندىرىستەگى كەشەندى قاۋىپسىزدىكتى قامتاماسىز ەتۋگە جانە دەرەكتەردى جيناۋ جانە تالداۋ جۇيەسىن اۆتومانتتاندىرۋعا مۇمكىندىك بەرەدى»، - دەدى كومپانيا باسشىسى.
سونىمەن قاتار ول سوڭعى بەس جىلدا كومپانيا كاسىپورىندارىندا وندىرىستىك جاراقات الۋ دەڭگەيى ەكى ەسەگە قىسقارعانىن اتاپ ءوتتى.
«اعىمداعى جىلدىڭ 9 ايىندا قورشاعان ورتانى قورعاۋ ءىس- شارالارىنا 1,2 ميلليارد تەڭگەدەن استام قاراجات جۇمسالدى. 2017 -جىلى 530 ونەرتابىستىق ۇسىنىس ەنگىزىلدى. بولجام بويىنشا ولاردىڭ ەكونوميكالىق تيىمدىلىگى 1,5 ميلليارد تەڭگەدەن اسادى»، - دەدى عالىمجان پىرىمبەتوۆ.
اۆتور: مارلان جيەمباي