جەلتوقساندا شىعارىلعان ۇلى بريتانيانىڭ ۇشاق تاسىعىش كەمەسىنە سۋ كىرىپ جاتىر

  دەپ حابارلايدى The Sun باسىلىمى.

 HMS Queen Elizabeth بورتىنا ەبەلەك بىلىگىنىڭ (ۆينت، ۆال) تىعىزداۋىشىنداعى اقاۋعا بايلانىستى ساعاتىنا 200 ليتر تەڭىز سۋى كىرىپ جاتىر. The Sun دەرەگى بويىنشا، ۇزىندىعى 284 مەتر جانە سىيىمدىلىعى 70 مىڭ توننا بولاتىن كەمە قۇرعاق دوكقا جوندەۋگە قايتىپ ورالادى. جوندەۋ جۇمىستارىنا بىرنەشە ميلليون فۋنت كەرەك.

اسكەريلەر تەكسەرۋدى باستادى. ولار وسى نۇسقامەن جاسالعان «ۋەلسكيي حانزاداسى» ۇشاق تاسىعىشىندا وسىنداي ماسەلەنىڭ بار- جوعىن انىقتاپ جاتىر.

قازىرگى تاڭدا «ەليزاۆەتا پاتشايىمنىڭ» سۋ سورعىشتارى بورتقا كىرىپ جاتقان سۋدى ايداپ شىعۋعا ۇلگىرەدى. سوندىقتان، ۇشاق تاسىعىش پورتسمۋتتا تەڭىز سىناقتارىن جالعاستىرا الادى.

«بىلىكتىڭ تىعىزداۋىشىنا بايلانىستى كەمشىلىك «ەليزاۆەتا پاتشايىم» ۇشاق تاسىعىشىن سىناقتان وتكىزۋ كەزىندە انىقتالدى. ونى جوندەۋ جۇمىستارى بارىسىندا اقاۋدى تۇزەتۋگە بولادى. ءبىراق كەمە ازىرگە پورتسمۋتقا جاقىن جەردە تۇر»، - دەپ ءمالىم ەتتى كورولدىكتىڭ اسكەري- تەڭىز فلوتى.

HMS R08 - بريتاندىق فلوت ءۇشىن جاسالعان ەكى ۇشاق تاسىعىشتىڭ باس كەمەسى سانالادى. وعان انگليانىڭ پاتشايىمى I ەليزاۆەتانىڭ (1558-1603) اتى بەرىلگەن.