وعان قالانىڭ حالىقارالىق قارجى ورتالىعىنا اينالۋىنا جاعداي جاسايدى دەگەن ءۇمىت ارتىلىپ وتىر، دەپ جازادى شينحۋا.
ادەتتە قارجى يننوۆاتسيالارى جانە وفشور بانك وپەراتسيالارى جۇرگىزىلەتىن پيلوتتىق ايماقتار بەيجىڭ، شاڭحاي، گۋانجوۋ، شىنجىن سەكىلدى قىتايدىڭ ءىرى قالالارىندا جۇمىس ىستەيدى. قورعاس ەلدىڭ شەكارالىق ايماعىنداعى وسىنداي ستاتۋس العان العاشقى قالا اتاندى.
قورعاستا قارجى «اۋىلىنىڭ» قۇرىلۋى، مامانداردىڭ پىكىرىنشە، ونىڭ تاماشا گەوگورافيالىق مۇمكىندىكتەرىنە بايلانىستى. بۇدان تىس، قىتاي ۇكىمەتى وسى قالاعا قاتىستى ءتۇرلى سالالاردا جەڭىلدىكتەر بەرۋ ساياساتىن ۇستانادى.
2012-جىلى قۇرىلعان «قورعاس» حالىقارالىق شەكارالىق ىنتىماقتاستىق ورتالىعى ەلدىڭ جالعىز شەكارالىق ىنتىماقتاستىق ورتالىعى بولىپ تابىلادى.
2013-جىلدىڭ تامىزىندا ورتالىقتا يۋانمەن جۇرگىزىلەتىن يننوۆاتسيالىق وفشور وپەراتسيالارىن كەڭەيتۋ جونىندەگى تاجىريبە جوباسى باستالعان ەدى.
كەيىن 2016-جىلعى قىركۇيەكتە قىتايدىڭ حالىق بانكى وسى جوبانىڭ ودان ءارى ىسكە اسىرىلۋى تۋرالى مالىمدەگەن. جوباعا سايكەس، يۋانمەن جۇرگىزىلەتىن يننوۆاتسيالىق وفشور وپەراتسيا قىزمەتتەرى، نەگىزىنەن، قىتاي تاراپىنان اكىمشىلىك كوميتەتتە تىركەلگەن كاسىپورىندارعا جانە شەتەلدىك بانك مەكەمەلەرىنە، كاسىپورىندارعا، جەكە تۇلعالارعا ۇسىنىلادى.