جۇمىس ىستەيتىن قارتتاردىڭ قاراسى كوپ ەلدەر بەلگىلى بولدى

اتالمىش ءتىزىمدى يرلانديا باستاعان - 56,3 پايىز، ياعني، حالقىنىڭ جارتىسىنان اسا 65-69 جاستاعى قارتتار جاسىنا قاراماي جۇمىس ىستەپ ءجۇر.

ەكىنشى ورىننان يندونەزيا (50,6 پايىز) كورىنگەن. ال ءۇشىنشى ورىنعا وڭتۇستىك كورەيا تابان تىرەگەن - 45 پايىز، ودان كەيىنگى ورىنعا جاپونيا جايعاسقان - 42,8 پايىز. العاشقى وندىقتا چيلي (39,9 پايىز)، يزرايل (39,3 پايىز)، مەكسيكا (38,6 پايىز)، قىتاي (36 پايىز) جانە ءۇندىستان - 35,8 پايىز.

ال وسىعان كەرىسىنشە كورسەتكىشكە كەلسەك، ياعني، جۇمىس ىستەيتىن قارتتارى از ەلدەر اراسىندا ليۋكسەمبۋرگ كوش باستاعان. بۇل ەلدە جاسى 65-تەن اسقان ادامنان جۇمىس ىستەپ جۇرگەن جان جوق. ەكىنشى ورىندا بەلگيا - 4,7 پايىز، ۆەنگريا (5,3 پايىز)، سلوۆەنيا (5,2)، سلوۆاكيا (5,6). جاسى 65-تەن اسقان سوڭ دا جۇمىس ىستەۋىن توقتاتپاعان قارتتار قاراسى كوپ ەلدەردىڭ مادەنيەتى مەن جەرگىلىكتى ءومىر ءسۇرۋ سالتى زاڭدارى ولاردىڭ ەڭبەك ەتۋىنە يتەرمەلەۋى مۇمكىن.

الايدا، كەيبىر ەۋروپالىق ەلدەردە زەينەتكە شىققان قارتتارعا جۇمىس ىستەۋگە تىيىم سالىنعان. ەگەر تىيىمدى ەلەمەسە، ايىپپۇل ارقالايدى. ال ازيالىق ەلدەردىڭ كوبىسىندە زەينەت جاسىن ۇزارتۋدى قالايتىندار قاراسى كوپ. ماسەلەن، كۇنشىعىس ەلىندە 2025 -جىلعا قاراي زەينەتكە شىعۋ جاسى 65-كە كوتەرىلۋى مۇمكىن.