اتالمىش اۋرۋحانا ءبىر مەزگىلدە 20 تۇيەنى ەمدەيدى. سوڭعى قۇرالدارمەن جابدىقتالعان مەديتسينا مەكەمەسىنىڭ قۇرىلىسىنا 40 ملن ديرحام، ياعني، 11 ميلليون دوللار قارجى جۇمسالعان. ءسوز ورايى كەلگەندە ايتا كەتەيىك، تۇيە - بىرىككەن اراب امىرلىگىنىڭ ءبىر سيمۆولى. ياعني، اراب مادەنيەتىنىڭ اجىراماس بولىگى. بۇل ەلدە ءتورت تۇلىكتىڭ تورەسى - تۇيەنىڭ قۇنى ءباسساۋدادا بىرنەشە ميلليون دوللارعا شارىقتايدى. «ءشول كەمەسى» اتانعان ءارى قاسيەتتى قۇراندا اتالعان ماڭعاز جانۋارعا جاسالاتىن اتالعان اۋرۋحاناداعى وتاسى 1000 دوللاردى قۇرايدى، ال رەنتگەنگە تۇسىرسەڭىز قالتاڭىزدان 110 دولاردى ساناپ بەرەسىز. اتالمىش اۋرۋحانا بۇدان بولەك ءتۇرلى زەرتتەۋلەرمەن شۇعىلداناتىن بولادى.