ەلباسىنىڭ جاڭا كىتابى - وتە مازمۇندى بىرەگەي شىعارما - سەنات ءتوراعاسى
10:13, 19 - جەلتوقسان 2017
استانا. قازاقپارات - ق ر پارلامەنتى سەناتىنىڭ ءتوراعاسى قاسىم-جومارت توقايەۆ ەلباسىنىڭ جاڭا كىتابى تۋرالى ويمەن ءبولىستى، دەپ حابارلايدى قازاقپارات.
«ەلباسىمىزدىڭ «تاۋەلسىزدىكتىڭ ءداۋىرى» اتتى جاڭا كىتابى وتە مازمۇندى، شىنايى دەرەكتەردى كورسەتەتىن بىرەگەي شىعارما، ول ەلىمىزدە دە، شەتەلدە دە ۇلكەن سۇرانىسقا يە بولاتىنى ءسوزسىز»، دەپ جازدى سەنات ءتوراعاسى تۋيتتەردەگى پاراقشاسىندا.
ەسكە سالا كەتسەك، 15 -جەلتوقساندا استانادا نۇرسۇلتان نازاربايەۆتىڭ «تاۋەلسىزدىك ءداۋىرى» اتتى جاڭا كىتابىنىڭ سالتاناتتى تۇساۋكەسەرى بولىپ ءوتتى. تاريحي پۋبليسيستيكا جانرىندا جازىلعان، قازاق جانە ورىس تىلدەرىندە باسىلعان ەلباسىنىڭ بۇل ەڭبەگى ەلىمىزدىڭ جاڭا تاريحى مەن ونىڭ ەرتەڭىنە دەگەن اۆتوردىڭ كوزقاراسىن تانىتادى.