قالا بيلىگىنىڭ كرەتيۆتى يدەياسىن الەۋمەتتىك جەلى قولدانۋشىلارى جوعارى باعالاپ، ەلوردالىق ايالدامالاردىڭ فوتوسۋرەتتەرىن جۇكتەي باستادى. بۇل جاڭالىق جونىندە «سارىارقا» اۋدانىنىڭ اكىمى ارمان تۇرلىبەك ءازىل-شىنى ارالاس پىكىر ءبىلدىردى.
«قۇرمەتتى استانا تۇرعىندارى مەن قوناقتارى! كوپتەن كۇتكەن قىس تا كەلىپ جەتتى. ايازدى اۋا رايىندا دەنساۋلىقتارىڭىزدى كۇتىڭىزدەر، جىلى كيىنىپ جۇرىڭىزدەر. سوڭعى كەزدەرى جاستار مەن وقۋشىلاردىڭ باس كيىم كيمەيتىنىن بايقادىم. ارينە، شاش ۇلگىسىن قۇرتىپ، ءساندى بۇزۋى مۇمكىن. ءبىراق، ءبىزدىڭ استانالىق ايالدامالاردىڭ ءوزى باس كيىم كيە باستادى. جىلى كيىنىپ جۇرىڭىزدەر! امان-ەسەن بولىڭىزدار!»، - دەپ جازدى ارمان تۇرلىبەك ءوزىنىڭ فەيسبۋكتەگى پاراقشاسىنا.