قازاق تىلىندە تاۋەلسىزدىك كۇنىمەن قۇتتىقتاعان قىتايلىق ستۋدەنتتەر «اتامەكەن» ءانىن شىرقادى - كەسكىن
08:15, 19 - جەلتوقسان 2017
بەيجىڭ- شيان. قازاقپارات - شيان شەت تىلدەرى ۋنيۆەرسيتەتىنىڭ «قازاق ءتىلى جانە ادەبيەتى» ماماندىعىنىڭ 1 -كۋرس ستۋدەنتتەرى قازاقستاندىقتاردى تاۋەلسىزدىك كۇنىمەن قۇتتىقتادى، دەپ حابارلايدى قازاقپارات اگەنتتىگىنىڭ قىتايداعى مەنشىكتى ءتىلشىسى.
ولار قازاقستان حالقىنا دەنساۋلىق، باقىت، ۇزاق ءومىر، بىرلىك، بەرەكە مەن تاتۋلىق تىلەدى.
«سالەم قازاقستان! مەرەكە قۇتتى بولسىن! ءبىز سىزدەرگە دەنساۋلىق، باقىت، ۇزاق عۇمىر تىلەيمىز! ەلىڭىزگە بىرلىك، بەرەكە، ىنتىماق، تىنىشتىق تىلەيمىز. مەرەكە قۇتتى بولسىن! ۋرا!»، - دەگەن قىتاي جاستارى «اتامەكەن" ءانىن ورىندادى.
ەسكە سالا كەتسەك، شيان شەت تىلدەرى ۋنيۆەرسيتەتىندەگى قازاق ءتىلى كافەدراسى جانە «قازاقستان ورتالىعى» 2017 -جىلدىڭ 20 -قىركۇيەگىندە مەملەكەت باسشىسىنىڭ «رۋحاني جاڭعىرۋ» باعدارلاماسىن جۇزەگە اسىرۋ اياسىندا قىتايداعى ق ر ەلشىلىگىنىڭ باستاماسىمەن اشىلعان بولاتىن.
قازىرگى ۋاقىتتا مۇندا 21 قىتايلىق ستۋدەنت قازاق ءتىلىن ۇيرەنىپ ءجۇر.