بەلگيادا جىلدىڭ سوڭىنا دەيىن تەلەگراف جابىلادى

مەسسەندجەرلەر داۋىرىندە بەلگيادا XIX عاسىر تەحنولوگياسىنىڭ قازىرگە دەيىن قولدانىلىپ كەلگەنى وعاش كورىنۋى مۇمكىن.

ۇلى بريتانيادا 1830 - جىلدارى تەلەگراف جاسالىپ، ودان 1982 -جىلى باس تارتقان بولاتىن.

 ا ق ش- تا بريتانيانىڭ ىزىمەن 2006 - جىلى تەلەگراف حابارلاماسىن توقتاتقان ەدى. ءتىپتى، بۇرىن الەمدەگى تەلەگرافتى كوپ قولدانۋشىلاردىڭ ءبىرى بولعان ءۇندىستان دا 2013 - جىلى باس تارتقان.

بەلگيالىق تەلەگرافتى سوڭعى ۋاقىتتا ون شاقتى كومپانيا مەن بىرنەشە جەكە تۇلعالار قولدانعان. ولاردىڭ باسىم كوپشىلىگى حابارلامانى جونەلتۋ مەن الۋ فاكتىسى زاڭدى تۇردە جازىلاتىن جۇيەگە مۇقتاج بولعان جاساۋىلدار بولدى.

تەلەگراممانى ارنايى نومىرگە حابارلاسىپ، حابارلامانى ايتىپ، ونى كەيىن پوشتامەن جىبەرەتىن بولعان.

شەكتەۋ قويىلماعان س م س- حابارلاما زامانىندا بەلگيادا 20 سوزدەن قۇرالعان تەلەگراممانىڭ قۇنى 23 ەۋرو 75 سەنت (باعامىمەن  9392 تەڭگە- اۆت.) (بريۋسسەل مەن باسقا دا قالالارعا جىبەرۋ ءۇشىن قوسىمشا 90 سەنت) قۇرايتىندىقتان، تەلەگراممانىڭ زاماناۋي تەحنولوگيالارمەن باسەكەلەسۋى قيىنعا سوققان.