قىتايلىق پروفەسسور قازاق حالقىن تاۋەلسىزدىك كۇنىمەن قۇتتىقتادى
بيىل ەگەمەن ەلىمىز ءۇشىن تابىستى جىل بولدى. استانا ەكسپو 2017 كورمەسىن ابىرويمەن وتكىزىپ، ەلورداداعى ش ى ۇ سامميتىندە ءۇندىستان مەن پاكىستان ۇيىمعا تولىققاندى مۇشە بولدى. قازاقستان استانا پروتسەسىنىڭ اياسىندا قىرعي- قاباق تاراپتى ءبىر ۇستەل باسىنا جيناعان، ديالوگقا شاقىرعان بىتىمگەرلىگىمەن ەستە قالدى. حالىقارالىق قاۋىمداستىق قازاقستاننىڭ وسى قادامدارىنا قول سوققان جىل بولدى.
قىتاي حالىق ۋنيۆەرسيتەتىنىڭ پروفەسسورى، رەسەيدى زەرتتەۋ ورتالىعى ديرەكتورىنىڭ ورىنباسارى ۆان سيانتسزيۋي وسىنداي پىكىردە.
ۆان سيانتسزيۋي، قىتاي حالىق ۋنيۆەرسيتەتىنىڭ پروفەسسورى:
- 2017 -جىل قازاقستان ءۇشىن جەمىستى بولدى. بيىل جازدا استانادا وتكەن ەكسپو 2017 كورمەسىن 4 ميلليون ادام تاماشالاپ، استانا كوركىنە تاڭداي قاقتى. قازاقستان 2017-2018 -جىلدارى ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە سيريا داعدارىسىن رەتتەۋدە ۇلكەن قادامدار جاسادى. مەن ءۇشىن ەڭ باستىسى قازاقستان مەن قىتايدىڭ ارىپتەستىگى نىعايىپ، ەكى ەل اراسىنداعى ساياسي- ەكونوميكالىق، مادەني جانە باسقا سالالارداعى ىنتىماقتاستىق تاعى ءبىر ساتىعا كوتەرىلدى. تاۋەلسىزدىك كۇنىمەن بارشا قازاقستاندىقتى قۇتتىقتايمىن!
www.24.kz