ءداستۇرلى بايقاۋدا مىڭعا جۋىق ۇمىتكەردىڭ ىشىنەن ون التىسى ۇزدىك شىقتى.
جۇلدەنى تاپسىرۋ راسىمىنە قاتىسقان وبلىس اكىمى التاي كولگىنوۆ جاستاردىڭ قوعامداعى ۇلكەن كۇش، ولاردىڭ ءار سالادا قوسقان ۇلەستەرى ەلەۋلى ەكەندىگىن اتاپ ءوتىپ، تاۋەلسىزدىك مەرەكەسىمەن قۇتتىقتادى.
بايقاۋ قورىتىندىسىندا جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ ستۋدەنتى ءمولدىر ساپار «ۇزدىك جاس كوشباسشى»، م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ستۋدەنتى زەردەگۇل مۇسىرەپوۆا «ۇزدىك ستۋدەنت» ، تاسقالا اۋدانى «ساۋلەت» مەكتەپ-ليتسەيى ماتەماتيكا جانە ينفورماتيكا ءپانىنىڭ ءمۇعالىمى مارس ماقسوت «ۇزدىك جاس ۇستاز»، جاڭگىر حان اتىنداعى ب ق ا ت ۋ- دىڭ عىلىمي كەڭەسىنىڭ مۇشەسى، ماگيسترانت سەرىك باقيەۆ «ۇزدىك جاس عالىم»، ا. وستروۆسكي اتىنداعى وبلىستىق ورىس دراما تەاترىنىڭ اكتەرى رۋسلان جۇماحمەتوۆ «ۇزدىك جاس ونەرپاز» اتاندى. سونداي-اق سانكت- پەتەربور مەملەكەتتىك پەدياتريالىق مەديتسينا اكادەمياسىنىڭ تۇلەگى تيمۋر باگۆاشيەۆ «ۇزدىك جاس دارىگەر»، شورتترەكشىلەر، قازاقستان قۇراما كومانداسىنىڭ مۇشەلەرى نۇربەرگەن جۇماعازيەۆ پەن انيتا ناگاي «ۇزدىك جاس سپورتشى»، «اقجايىق» تەلەارناسىنىڭ ءتىلشىسى نينا پاۆلىچيەۆا «ۇزدىك جاس ءتىلشى»، ورالداعى 20№ مەكتەپ وقۋشىسى كاميلا ءادىلوۆا «ۇزدىك مەكتەپ كوشباسشىسى» اتالىمىمەن ماراپاتتالدى.
وعان قوسا ارنايى سىيلىقتار دا تاپسىرىلدى. ب ق و ت ج دەپارتامەنتىنىڭ قۇتقارۋشىسى رۇستەم عۇباشەۆ «قايسارلىعى مەن باتىلدىعى ءۇشىن» دارالاندى. ال ءوزى تانىمايتىن شىمكەنتتىك ءجاميلا بايسەرىكوۆاعا بۇيرەگىن بەرگەن ابزال ءادىلوۆ «مەيىرىم» سىيلىعىنا يە بولدى. ءوزىنىڭ ايتۋىنشا، قازىرگى كەزدە، ەڭ باستىسى، ءجاميلانىڭ بەتى بەرى قاراپ كەلەدى. وتادان كەيىن ءجاميلانىڭ قاسىندا بولىپ، سول وتباسىنىڭ ءبىر مۇشەسىندەي بولىپ كەتكەن ابزال تاياۋدا ورالعا ورالدى. بۇرىن قۇرىلىس سالاسىندا ەڭبەك ەتكەن ابزالعا بۇيرەگىن بەرگەننەن كەيىن ەندى اۋىر جۇمىس جاساۋعا بولمايدى. ەندى ول باسقا جۇمىسقا ورنالاسپاقشى.
پروديۋسەر، «قايىر» قايىرىمدىلىق قورىنىڭ پرەزيدەنتى الپامىس شاريموۆ «جىل جاڭالىعى» اتاندى. ول ءوزىنىڭ سىيلىعىن بيىل ومىردەن وتكەن، م. وتەمىسوۆ اتىنداعى ب ق م ۋ- دا مادەنيەت جانە ونەر فاكۋلتەتىنىڭ دەكانى قىزمەتىن اتقارا ءجۇرىپ، جاستار تاربيەسىنە اتسالىسقان مەيرام يساتايەۆقا ارنايتىنىن جەتكىزدى.
سونىمەن قاتار وڭىردەگى 190 تالانتتى جاسقا وبلىس اكىمىنىڭ ءبىلىم گرانتتارى تاپسىرىلدى.
اۆتور: ەلجان ەرالى