حوككەي: قازاقستان جاستار قۇراماسى ءتورتىنشى جەڭىسىنە قول جەتكىزدى

وتانداستارىمىز ءتورتىنشى كەزدەسۋىن اۆستريالىق كومانداعا قارسى وتكىزىپ، 3:2 ەسەبىمەن جەڭىسكە جەتتى.

ەستەرىڭىزگە سالا كەتەيىك، قازاقستاندىق حوككەيشىلەر وسىعان دەيىن لاتۆيا قۇراماسىن 4:1، گەرمانيانى 3:2، ال ۆەنگريا قۇراماسىن 5:3 ەسەبىمەن قاپى قالدىرعان بولاتىن.

وسىلايشا، ءتورت تۋردان سوڭ قازاقستان كومانداسى 10 ۇپاي جيناپ، تۋرنير كەستەسىندە ەكىنشى ورىندا كەلەدى. كوش باسىندا ازىرگە وتانداستارىمىزبەن بىردەي ۇپاي ەنشىلەگەن گەرمانيا حوككەيشىلەرى كەلە جاتىر. ولار قوسىمشا كورسەتكىشتەر بويىنشا الدا كەلەدى. لاتۆيا 9 ۇپايمەن ءۇشىنشى ورىندا.

ەندى سوڭعى تۋردا قازاقستان فرانسۋزدارمەن كەزدەسەدى.

اۆتور: كۇنسۇلتان وتارباي