ماڭعىستاۋدا «بولاشاق» شەكارا بەكەتى اشىلدى
10:55, 16 - جەلتوقسان 2017
استانا. قازاقپارات - ماڭعىستاۋدا تاۋەلسىزدىك كۇنى قارساڭىندا قازاقستان-تۇرىكمەنستان شەكارا شەبىندە ق ر ۇ ق ك ش ق جاعالاۋ كۇزەتى وڭىرلىك باسقارماسى 2018 اسكەري ءبولىمىنىڭ «بولاشاق» شەكارا بەكەتى سالتاناتتى تۇردە اشىلدى.
بۇل تۋرالى وڭىرلىك اكىمدىكتىڭ باسپا ءسوز قىزمەتى حابارلايدى.
2018 اسكەري ءبولىمىنىڭ جەكە قۇرامى قازاقستان رەسپۋبليكاسىنىڭ ترانزيتتىك ايماعى بولىپ تابىلاتىن قازاقستان-تۇرىكمەنستان باعىتىنداعى مەملەكەتتىك شەكارانى سەنىممەن كۇزەتىپ كەلەدى. وسىعان دەيىن شەكارا زاستاۆاسىنىڭ كۇندەلىكتى قىزمەتتىك - جاۋىنگەرلىك ءىس-ارەكەتتەرى جىلجىمالى مودۋل تيپتەرىندە ۇيىمداستىرىلىپ كەلگەن بولاتىن. ەندى اسكەري قۇرام جاڭا بەكەتتە وتان الدىنداعى پارىزىن ورىنداي الادى.
اشىلۋ سالتاناتىنا ارنايى بارعان وبلىستىق ءماسليحات حاتشىسى سەرىكباي تۇرىموۆ قازاقستان شەكاراشىلارىنىڭ حالىق پەن ەلدىڭ مۇددەسىنە رياسىز قىزمەت ەتەتىندىگىنە، اسكەري انتقا جانە قىزمەتتىك پارىزعا ادال بولاتىندىعىنا سەنىم ءبىلدىردى.