دەپ حابارلايدى «قازاقپارات» ح ا ا ءتىلشىسى.
بۇگىن باكۋدە «قازاقپارات» ح ا ا مەن Trend حاا اراسىندا ىنتىماقتاستىق تۋرالى جاڭا مەموراندۋمعا قول قويۋ ءراسىمى ءوتتى. قۇجاتقا بۇقارالىق اقپارات قۇرالدارىنىڭ باس رەداكتورلارى قول قويدى.
«ءبىزدىڭ ۇكىمەتتەر، مەملەكەت باسشىلارىمىز جوسپارلاعان جوبانى ەسەپكە الا وتىرىپ، ەكى اگەنتتىك اراسىنداعى ىنتىماقتاستىق وتە قاجەت دەپ ويلايمىن. بۇقارالىق اقپارات قۇرالدارى قازاقستانداعى ۇدەرىستەردىڭ قالاي ءجۇرىپ جاتقانىن جانە وسىدان ازەربايجاندا نە قولدانۋعا بولاتىنىن قامتۋى كەرەك. جانە كەرىسىنشە ءبىزدىڭ ەلدە دە سونداي بولۋى ءتيىس»، - دەدى «قازاقپارات» ح ا ا باس رەداكتورى بيبينور تانەلبايەۆا قول قويۋ راسىمىندە.
Trend ح ا ا باس رەداكتورى يلاحا مامەدليدىڭ سوزىنشە، اقپارات اگەنتتىكتەرى ۇزاق ۋاقىت بويى ءوزارا اقپارات الماسىپ كەلەدى. ونىڭ پىكىرىنشە، جاڭا كەلىسىم ءوزارا ارەكەتتەستىكتىڭ تيىمدىلىگىن ارتتىرۋعا ىقپال ەتەدى.
«بۇل ىنتىماقتاستىق ۇزاق مەرزىمدى جانە ءتيىمدى بولادى دەپ ۇمىتتەنەمىن. ەكى ەل اراسىنداعى ساياسي، ەكونوميكالىق قارىم- قاتىناستىڭ دامىپ جاتقانىن ەسكەرە وتىرىپ، باق اراسىنداعى قاتىناستىڭ دامۋى دا وتە ماڭىزدى جانە پايدالى دەپ ەسەپتەيمىن»، - دەدى يلاحا مامەدلي.
ىنتىماقتاستىق تۋرالى قول قويىلعان مەموراندۋم اقپارات الماسۋ سالاسىنداعى كاسىبي ىنتىماقتاستى نىعايتادى. قۇجاتتىڭ باستى ماقساتى - دوستىق قارىم- قاتىناستى ورناتىپ، جەمىستى ىنتىماقتاستىققا قول جەتكىزۋ.