دالەل رەتىندە وپپوزيتسيا برازيليالىق قۇرىلىس كومپانياسىنىڭ پرەزيدەنتپەن بايلانىسى بار ەكى فيرماعا 4 ميلليون 800 مىڭ ا ق ش دوللار اۋدارعانىن العا تارتقان.
ايتۋلارىنشا، بۇل قارجى پرەزيدەنتتىڭ بارماق باستى، كوز قىستى ارەكەتتەرىنە تولەنگەن. قازىر جەمقورلىققا قاتىستى داۋلى ءىستى ارنايى ماماندار تەكسەرىپ جاتىر. ەگەر دالەلدەر راستالىپ، وپپوزيتسيا جەڭىسكە جەتەتىن بولسا، پەدرو كۋچينسكي ۋاقىتىنان بۇرىن بيلىكتەن قۋىلعان ەكىنشى پرەزيدەنت بولادى. ونىڭ الدىندا بيلىك تىزگىنىن ۇستاعان وليانتا ۋمالا دا وتكەن جىلى جەمقورلىققا قارسى داۋعا قالىپ، اقىرى بيلىكتەن كەتكەن ەدى. بۇگىندە ول ايەلىمەن بىرگە قاماۋعا الىنعان.
دانيەل سالاۆەرري، وپپوزيتسيا وكىلى:
- پەرۋ حالقى پرەزيدەنتتىڭ وتستاۆكاعا كەتىپ، بيلىكتى ۆيتسە- پرەزيدەنتكە تاپسىرۋىن تالاپ ەتىپ وتىر. ال بيلىكتىڭ ءبىزدى ءتۇرلى تاسىلمەن تىنىشتاندىرماق ويى بار. ءتىپتى سەس كورسەتتى. ءبىز ولاردىڭ ايتقانىنا كونىپ، ايداۋىنا جۇرمەيمىز. جەمقورلىققا قارسى باستاعان ارەكەتتى سوڭىنا جەتكىزبەي تىنبايمىز.
پەدرو كۋچينسكي، پەرۋ پرەزيدەنتى:
- مۇندا كەلگەندەگى ماقساتىم - مەنى ايىپتاعاندارمەن كوزبە- كوز كەزدەسۋ. مەن قورىقپايمىن دا، قاشپايمىن دا. ويتكەنى سەبەپ جوق. كوكەيلەرىڭىزگە كۇدىك ورناتقان سۇراقتارىڭىز بولسا، جاۋاپ بەرۋگە ءازىرمىن. ءيا، كومپانيادا مەنىڭ ۇلەسىم بار. ءبىراق مەن كاسىپورىن باسشىسى ەمەسپىن. كەلىسىمشارت، اۋدارىمدار جاساعان بارلىق قۇجاتقا دجەراردو سەپۋلسەدا قول قويعان. كومپانيا اتىنان قۇجات راسىمدەۋگە مەنىڭ قۇقىعىم جوق.
www.24.kz