قازاقستان د س ۇ- عا جاڭا مۇشەلەر ءۇشىن بىركەلكى باسەكەلەستىك الاڭىن قۇرۋدى ۇسىندى
اتالعان جيىندا جەنيەۆاداعى ب ۇ ۇ بولىمشەسىنىڭ جانە باسقا دا حالىقارالىق ۇيىمدار جانىنداعى تۇراقتى وكىلى، ەلشى جانار ايتجانوۆا قازاقستاننىڭ حالىقارالىق ساۋدا جۇيەسىن نىعايتۋعا قولداۋىن ءبىلدىرىپ، ەلىمىزدىڭ جاھاندىق ساۋداعا ودان ءارى ينتەگراتسيالانۋدى ۇستاناتىنىن اتاپ ءوتتى.
بۇدان بۇرىن نايروبيدە وتكەن مينيسترلەر كونفەرەنسياسىندا قازاقستان ەكسپورتتىق باسەكەلەستىك تۋرالى تاريحي شەشىم قابىلدانعانىن قولداپ، قازىرگى تۇستا ونىڭ د س ۇ- عا مۇشە ەلدەر تاراپىنان ۋاقىتىلى جۇزەگە اسىرىلۋىن كۇتەدى. تۇراقتى وكىل بۇل ماسەلە قازاقستان ءۇشىن ۇلكەن قىزىعۋشىلىق تۋدىراتىنىن اتاپ ءوتتى، ويتكەنى د س ۇ- عا قوسىلۋ بارىسىندا ەلدىڭ تەڭىزگە شىعۋ مۇمكىندىگى جوق ەكەنىنە قاراماستان، قازاقستان ەكسپورتتىق سۋبسيديالاردان باس تارتۋعا ءماجبۇر بولدى. وسى ورايدا قازاقستان باسقا ەلدەردى د س ۇ- عا جاڭا مۇشەلەرگە قاتىستى بىركەلكى باسەكەلەستىك الاڭىن قۇرۋعا شاقىرادى.
ج. ايتجانوۆا دوحا راۋندى شەڭبەرىندەگى ۇزاققا سوزىلىپ كەتكەن ساۋدا كەلىسسوزدەرى بويىنشا كونسەنسۋستىڭ بولماۋىنا قاراماستان، د س ۇ- عا مۇشە ەلدەر قازىرگى سىندارعا جاۋاپ ىزدەۋدى باستاۋ قاجەتتىگىن باسىپ ايتتى. بۇل تەز وزگەرەتىن ەكونوميكالىق ورتادا ەرەكشە ماڭىزعا يە بولىپ وتىر، ويتكەنى ەلەكتروندىق ساۋدا، ينۆەستيتسيالارعا قولداۋ كورسەتۋ، شاعىن جانە ورتا كاسىپورىنداردىڭ حالىقارالىق ساۋداعا ينتەگراتسيالانۋى، سونداي-اق اشىقتىققا قويىلاتىن تالاپتاردى كۇشەيتۋ سياقتى جاڭا تاقىرىپتار بويىنشا تالقىلاۋلاردى كەيىنگە قالدىرۋ قازىرگى قالىپتاسىپ وتىرعان جاعدايدا د س ۇ- نى ناقتىلىعى مەن وزەكتىلىگى تومەن ۇيىمعا اينالۋىنا اكەلۋى مۇمكىن.
قازاقستاندىق ديپلومات ەلىمىزدىڭ قىزمەت كورسەتۋ سالاسىندا ىشكى رەتتەۋ ەرەجەلەرىن ازىرلەۋ بويىنشا كوپجاقتى كەلىسسوزدەردىڭ قايتا باستالۋىن قۇپتايتىنىن دا اتاپ ءوتتى، بۇل قازاقستاننىڭ ۇلتتىق ەكونوميكالىق مۇددەلەرىنە تولىق سايكەس كەلەدى.
سونىمەن قاتار، قازاقستاندىق دەلەگاتسيا باسشىسى قازىرگى تاڭدا قازاقستان ەكونوميكاسىنىڭ بارلىق سالالارىن جانە الەۋمەتتىك ءومىردىڭ ءار ءتۇرلى اسپەكتىلەرىن قامتيتىن تسيفرلاندىرۋ باعدارلاماسىن جۇزەگە اسىرىپ جاتقانىن حابارلادى. وسىعان بايلانىستى ءبىزدىڭ ەل د س ۇ- نىڭ ەلەكتروندىق ساۋدانى دامىتۋ ءۇشىن اشىق، كەمسىتپەيتىن جانە بولجامدى عالامدىق ەرەجەلەردى ىلگەرىلەتۋدەگى ماڭىزدى ءرولىن مويىندايدى.
ايتا كەتەيىك، مينيسترلەر كونفەرەنتسياسى د س ۇ- نىڭ ەكى جىلدا ءبىر مارتە وتكىزىلەتىن جوعارى باسقارۋشى ورگانى بولىپ تابىلادى. ونىڭ قۇزىرەتىنە مينيسترلەردىڭ ۇيىم قىزمەتىنىڭ باسىم باعىتتارى بويىنشا شەشىمدەر قابىلداۋ كىرەدى. ادەتتە، كونفەرەنتسيانىڭ نەگىزگى ماقساتى د س ۇ- عا مۇشە ەلدەردىڭ حالىقارالىق ساۋدانىڭ جاڭا رەتتەۋشى نورمالارى مەن ەرەجەلەرى بويىنشا كەلىسىمدەرگە قول جەتكىزۋ، سونداي-اق ۇيىمنىڭ بولاشاق جۇمىسىنىڭ جالپى باعىتىن كەلىسۋ بولىپ تابىلادى.