بۇل تۋرالى بۇگىن ءسىم كونسۋلدىق قىزمەت دەپارتامەنتىنىڭ ديرەكتورى ارداق مادييەۆ ايتتى، دەپ حابارلادى sputniknews.kz ءتىلشىسى.
«اقجارقىن تۇرلىبايدىڭ ءىسى ەستەرىڭىزدە شىعار. كونسۋلدىق قىزمەتتىڭ، ەلشىلىكتىڭ كومەگىمەن بۇگىنگى كۇنى قازاقستان ازاماتى تۇرلىبايدىڭ ءىسى قايتا قارالىپ، جوعارى ينستانسياعا اپەللياتسيا بەرىلىپ، قىتايدىڭ سوت ورگاندارىمەن كەلىسسوزدەر جۇرگىزىلدى. ءبىز اتالعان ءىس وڭ شەشىم تابادى دەگەن ويدامىز. تۇرلىبايدى ەلگە قايتارامىز دەگەن ءۇمىت بار»، - دەدى ماديەۆ.
ەستەرىڭىزگە سالا كەتەيىك، اقجارقىن تۇرلىباي وسىدان ءۇش جىل بۇرىن گۋاڭجوۋ اۋەجايىندا ۇستالعان بولاتىن. الدەبىر تانىستارىنىڭ وتىنىشىمەن مالايزياعا تاۋار جەتكىزۋگە كەتكەن قىزدىڭ سومكەسىنەن ەسىرتكى شىققان. كەيىن قازاقستاندىق بويجەتكەن ەسىرتكى تاسىمالداعانى ءۇشىن ءومىر بويىنا باس بوستاندىعىنان ايىرىلدى.