ەسەپتەۋىشتىڭ مالىمەتى بويىنشا ءاربىر 81 سەكۋند سايىن ءبىر نارەستە تۋىلسا، 261 سەكۋندتان كەيىن ءبىر ادام كوز جۇمادى. جالپى، جىل باسىنان بەرى قازاقستاندا 373201 ادام دۇنيەگە كەلدى. ال قايتىس بولعانداردىڭ سانى 125561- ءدى قۇرادى. ءبىر كۇننىڭ ىشىندە قازاقستان حالقى شامامەن 300 ادامعا ارتىپ وتىرادى.
بۇدان بولەك، ەلىمىزگە كەلىپ- كەتىپ جۇرگەن ادامداردىڭ سانىن دا كورۋگە بولادى. قازاقستاندا يمميگرانتتاردان بۇرىن ەميگرانتتار، ياعني ەلدەن كەتەتىندەر باسىم بولىپ تۇر. جىل باسىنان بەرى 15253 ادام كەلسە، 34347 شەكارا اسىپ كەتكەن.
ايتا كەتەيىك، ق ر ۇلتتىق ەكونوميكا مينيسترلىگىنىڭ ستاتيستيكا كوميتەتى حالىق سانىنىڭ ەسەپتەۋىشىن ىسكە قوسقان بولاتىن. ەندى، كوميتەتتىڭ رەسمي سايتىندا قازاقستان حالقىنىڭ ناقتى سانىن ونلاين رەجيمدە كورىپ وتىرۋعا بولادى. اتالعان جۇيەدە تۋۋ، ءولىم، شەتەلدەن كەلۋ مەن شىعۋ سياقتى كورسەتكىشتەر اۆتوماتتى تۇردە ەسكەرىلەدى.
اۆتور: ارمان اسقاروۆ