«قازاقستان ب ۇ ۇ باس اسسامبلەياسى مەن قاۋىپسىزدىك كەڭەسىنىڭ شىعىس يەرۋساليم پالەستينا مەملەكەتىنىڭ اجىراماس بولىگى رەتىندەگى مارتەبەسىنە قاتىستى قارارىن بارلىق ەلدەردىڭ قاتاڭ ساقتاۋىن جاقتايدى. سامميت اياسىندا ءسوز سويلەگەن سەنات ءتوراعاسى قاسىم- جومارت توقايەۆ ەلىمىزدىڭ ۇستانىمىن وسىلايشا جەتكىزدى.
يەرۋساليمنىڭ مارتەبەسىنە قاتىستى يسلام مەملەكەتتەرى قانداي مامىلەگە كەلدى؟
- بۇل يسلام ىنتىماقتاستىق ۇيىمىنىڭ كەزەكتەن تىس سامميتى. تەمىردى قىزعان كەزدە سوق دەمەكشى ا ق ش پرەزيدەنتىنىڭ يەرۋساليمدى يزرايل استاناسى رەتىندە مويىنداۋىنان سوڭ يسلام الەمى ىستامبۇلدا شۇعىل باس قوستى. كۇن تارتىبىندەگى ماسەلە ءۇش ءدىننىڭ رۋحانياتى توعىسقان تاريحي شاھاردىڭ مارتەبەسى مەن تاياۋ شىعىس ايماعىنىڭ كەلەشەگىن تالقىلاۋ. القالى جيىنعا 48 ەلدەن 16 مەملەكەت باسشىلارى مەن ۇكىمەت جەتەكشىلەرى جانە لاۋازىمدى تۇلعالار قاتىستى.
اشىلۋ سالتاناتىندا ءسوز العان تۇركيا پرەزيدەنتى، يسلام ىنتىماقتاستىق ۇيىمىنىڭ قازىرگى ءتوراعاسى رەدجەپ تاييپ ەردوعان يزرايلدىڭ باسقىنشىلىق ارەكەتىن قاتاڭ سىناپ، يەرۋساليمدى كەرىسىنشە پالەستينا مەملەكەتىنىڭ استاناسى دەپ جاريالاۋعا شاقىردى.
رەدجەپ تاييپ ەردوعان، تۇركيا رەسپۋبليكاسىنىڭ پرەزيدەنتى:
- ا ق ش- تىڭ زاڭسىز ارەكەتىنە يەرۋساليم توپىراعىنا باسقىنشىلىقپەن كىرگەن يزرايل عانا قولداۋ ءبىلدىردى. قالعان مەملەكەتتەرگە بۇل زاڭسىز قاراردى قولداماعانى ءۇشىن العىسىمدى ايتامىن. ءبىز يسلام ەلدەرى باسقىنشىلىق ەزگىسىندە قالعان يەرۋساليم قالاسىن پالەستينا مەملەكەتىنىڭ استاناسى دەپ مويىنداۋعا شاقىرامىن.
سامميت مىنبەرىنە كوتەرىلگەن پالەستينا مەملەكەت باسشىسى ماحمۋد ابباس اراب- يزرايل بەيبىتشىلىك ۇدەرىستەرىسىندەگى ا ق ش- تىڭ اراعايىندىق ءرولى وسىمەن ءتامام دەپ، كەسىپ ايتتى. بۇل دەگەنىمىز الداعى ۋاقىتتا وڭىردەگى احۋال كۇرت شيەلەنىسىپ، قاقتىعىس ۇدەي ءتۇسۋى مۇمكىن ەكەنىن بىلدىرەدى.
جيىن قورىتىندىسى بويىنشا ىستامبۇل دەكلاراتسياسى قابىلدانادى دەپ كۇتىلۋدە.
www.24.kz