پاۆلودار وبلىسىندا قىسقى ديزەل وتىنى وندىرىلەتىن بولادى
قىسقى ديزەل وتىنىن وندىرەتىن زاۋىت ەكىباستۇزدىڭ جانىنداعى شىدەرتى كەنتىندە سالىندى. كاسىپورىننىڭ جىلدىق قۋاتتىلىعى 30 مىڭ توننانى قۇرايدى. بارلىعى 28 ادام جۇمىسپەن قامتىلعان. اركتيكالىق سولياركانى جازعى ديزەل وتىنىن كاتاليزاتورمەن پارافيننەن ارىلتۋ ءادىسى ارقىلى الادى.
«پاۆلودار وبلىسىنىڭ مۇناي ونىمدەرى نارىعىندا ءىرى ويىنشىلارمەن كەلىسىمشارتتارعا قول قويىلدى»، - دەيدى «Alef Trade» ج ش س- ءنىڭ باس ينجەنەرى سەرگەي شيەۆەليەۆ.
- ءبىزدىڭ ءونىمنىڭ باسىم بولىگى بوزشاكول تاۋ-كەن كومبيناتىنا ارنالعان. جالپى، قازاقستاندىق نارىقتىڭ اركتيكالىق ديزەل وتىنىنا قاجەتتىلىگى 120-130 مىڭ توننان قۇرايدى. سوندىقتان ءارى قاراي ءوندىرىس كولەمىن جىلىنا 50 مىڭ تونناعا دەيىن ارتتىرۋدى كوزدەپ وتىرمىز.
زاۋىتتا بولعان پاۆلودار وبلىسىنىڭ اكىمى بولات باقاۋوۆ قىسقى ديزەل وتىنىن شىعاراتىن كاسىپورىننىڭ ءوڭىر ءۇشىن جانە جالپى ەلىمىزگە ماڭىزى زور ەكەنىن اتاپ ءوتتى.
«بىزدە تەرىس تەمپەراتۋرالار قازان جانە قاراشا ايلارىندا بايقالادى، - دەدى وبلىس اكىمى.
- ال، مينۋس 20 گرادۋس ايازدا قۇرامىندا پارافينى بار ديزەل وتىنى كيسەلگە اينالادى. سوندىقتان قىسقى وتىن بىزگە وتە قاجەت. بۇل - ءۇ ي ي د باعدارلاماسى بويىنشا ەنگىزىلگەن جەتىنشى جوبا. اتالمىش جوباعا باستاماشى بولعان ازاماتتاردى «پاۆلودار» ارنايى ەكونوميكالىق الاڭىنا شاقىردىق. دەگەنمەن ازىرگە ولار ءوز جوسپارى بويىنشا دامۋدى ءجون ساناپ وتىر.
ايتا كەتەرلىگى، جاڭا زاۋىتتىڭ اشىلۋىمەن قازاقستاندا سولياركا وندىرىسىنە قاتىستى جاعداي وزگەرەدى دەپ كۇتىلۋدە. وندىرۋشىلەر قىسقى وتىننىڭ باعاسى 5-10 پايىزعا تومەن بولادى دەپ ۋادە بەرۋدە.