استانا قالاسى وسى جيىرما جىل ىشىندە تۇرلەنىپ دامىپ، گۇلدەنىپ ءوسۋ ۇستىندە. جىل سايىن استانامىزدا جاڭا نىساندار بوي كوتەرۋدە. ەلوردانىڭ جول- كولىك قاتىناسى دامىپ كەلەدى، كولىك كەپتەلىسىن تومەندەتۋ ماقساتىندا قالا اكىمدىگى بار مۇمكىندىكتەردى جاساۋدا.
سونىمەن قاتار، استانادا جاڭادان ەكى كوپىر سالىنادى: ءبىرى ەسىل وزەنى ۇستىنەن، ەكىنشىسى نۇرا- ەسىل كانالى ارقىلى وتەتىن بولادى.
نۇرا- ەسىل ارناسى ارقىلى وتەتىن كوپىردىڭ قۇرىلىسى 2017 -جىلدىڭ شىلدەسىندە باستالعان، 2018 -جىلى كوپىر قۇرىلىسىن اياقتاۋ جوسپارلانۋدا.
ال، ەسىل وزەنى ۇستىنەن سالىناتىن كوپىر تاۋەلسىزدىك داڭعىلى ارقىلى قالامىزدىڭ وڭتۇستىك شىعىس بولىگىن سول جاعالاۋمەن جالعايتىن بولادى.
قازىرگى تاڭدا تاۋەلسىزدىك داڭعىلىن سول جاعالاۋمەن جالعايتىن كوپىر جوبالانۋ كەزەڭىڭدە. ەكى كوپىر دە ءۇشجولاقتى بولادى.