بايقاۋ بارىسىندا اسەت امەريكالىق ءانشى دجون لەدجەندتىڭ «All of mە» اتتى ليريكالىق ءانىن شەبەرلىكپەن ورىنداپ، قازىلار قۇرامىنداعى ەكى ءانشىنىڭ نازارىن اۋدارتتى. وتانداسىمىزدىڭ ونەرىنە ءتانتى بولعان تۇركيانىڭ بەلگىلى ءانشىسى حاديسە اچىكگوز (Hadise Açىkgِz) ساحناعا شىعىپ ءدال وسى ءاندى دۋەت بولىپ ورىنداسا، قازىلار القاسىنىڭ وزگە مۇشەلەرى جاس ونەرپازدىڭ كەيىنگى قادامدارىنا ساتتىلىك تىلەپ، ريزاشىلىقتارىن جاۋدىرىپ جاتتى. وزىنە بۇرىلعان قوس تالىمگەر اراسىنان بەلگىلى ءانشى حاديسە اچىكگوزدى تاڭداۋ سەبەبىن اسەت مۋزىكالىق تالعامىنىڭ ورتاقتىعىمەن، رەپەرتۋارىنداعى اندەردىڭ جانرلىق ۇقساستىعىمەن تۇسىندىرەدى. ال، دجون لەدجەندتىڭ «All of mە» ءانى تۋرالى: «بۇل - تىڭدارماننىڭ سەزىمىن سەلت ەتكىزىپ، جۇرەكتەگى مىڭ سان يىرىمدەردى قوزعايتىن ءان. ءوز بولمىسىما جاقىن بولعاندىقتان بايقاۋدا ورىنداۋدى ءجون دەپ تاپتىم. تۇرىك تىڭدارماندارىنىڭ جۇرەگىنە جول تاۋىپ، ەڭبەگىمدى باعالاعانىنا قۋانىشتىمىن» ، - دەيدى.
بۇگىندە وتانداسىمىزدى تۇركيانىڭ تۇكپىر- تۇكپىرىندە وقىپ جۇرگەن جۇزدەگەن قازاقستاندىق جاستار قولداۋدا. «O ses Türkiyە» ءان دوداسىنىڭ كەلەسى تۋرى قاڭتار ايىندا ۇيىمداستىرىلماق. ءانشى تۋرالى قوسىمشا اقپارات بەرە كەتەتىن بولساق، اسەت زاكيروۆ - 1993 -جىلى استانا قالاسىندا دۇنيەگە كەلگەن. ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ حالىقارالىق قاتىناستار ءبولىمىن اياقتاعان. 2016 -جىلدان باستاپ تۇركيانىڭ حاجەتتەپە ۋنيۆەرسيتەتىنىڭ حالىقارالىق قاتىناستار ماماندىعىندا ماگيستراتۋرا بويىنشا ءبىلىمىن جەتىلدىرۋدە. جاس كەزىنەن باستاپ ءتۇرلى ءان بايقاۋلارىنا قاتىسقان، ايگىلى ح factor جوباسىندا باق سىناعان. 2016 جىلى «جۇرەك ءانى» اتتى دەبيۋتتىك شىعارماسى i-tunes, spotify سەكىلدى ساندىق سەرۆيستەردە جاريالانعان.
Massaget.kz