ىشكى ىستەر مينيسترلىگى يگەرىلمەگەن اقشاعا قىتايدان ۇشاق ساتىپ الماق

استانا. قازاقپارات - قازاقستاننىڭ ىشكى ىستەر ءمينيسترى قالمۇحانبەت قاسىموۆ مينيسترلىكتىڭ قىتايدان ۇشاق ساتىپ الاتىنىن مالىمدەدى.

بۇل تۋرالى baq.kz حابارلايدى.

بۇگىن ۇكىمەت وتىرىسىندا وسى جىلدىڭ 11 ايىنداعى مەملەكەتتىك بيۋدجەتتىڭ اتقارىلۋ قورىتىندىسى تالقىلاندى. ءى ءى م باسشىسى ۆەدومستۆوعا بولىنگەن قارجىنىڭ تولىق كولەمدە يگەرىلەتىنىن جەتكىزدى.

«بۇگىندە بيۋدجەت قاراجاتىنىڭ 94,3 پايىزى يگەرىلدى. ال 16 ميلليارد 65 ميلليون تەڭگە يگەرىلمەي قالدى. 15- جەلتوقساننان كەيىن ءبىز قىتايدان ۇشاق اكەلەمىز. وسى قاراجاتتى تولىق كولەمدە يگەرۋىمىز كەرەك»، - دەيدى ىشكى ىستەر ءمينيسترى.