شەتەلدە سۇرانىسقا يە قازاقستاندىق تاۋارلار

بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى تيمۋر سۇلەيمەنوۆ ءمالىم ەتتى، دەپ حابارلايدى قازاقپارات.

«سىرتقى سۇرانىستىڭ قايتا جاڭعىرۋى مۇناي جانە مەتالداردىڭ الەمدىك باعالارىنىڭ ءوسۋى سىرتقى سەكتوردىڭ كورسەتكىشتەرىنىڭ جاقسارۋىنا اسەرىن تيگىزدى. اعىمداعى جىلعى 10 ايدا ەكسپورتتىڭ ءوسىمى (2,5) يمپورت وسىمىنەن (,8) شامامەن ەكى ەسە باسىم بولۋىنىڭ ناتيجەسىندە، ساۋدا تەڭگەرىمى سالدوسى 71,7 پايىزعا دەيىن ارتتى.

ساۋدا تەڭگەرىمىنىڭ جاقسارۋىنا سونداي-اق وڭدەلگەن ءونىم ەكسپورتىنىڭ ءوسۋى ىقپال ەتتى. وسىلايشا، تاماق ونەركاسىبىندە توڭ مايلار جانە مايلار، دايىن تاعامدىق مايلارى (86,2 پايىزعا)، قانت جانە كونديتەرلىك ونىمدەر (55,4 پايىزعا)، استىق، استىق تۇقىمداستار، ۇن، كراحمال جانە ءسۇت، ۇن ونىمدەرىنەن جاسالعان دايىن تاعامدار (19,7 پايىزعا) ەكسپورتى ۇلعايدى»، - دەپ ءتۇسىندىردى مينيستر.

ت. سۇلەيمەنوۆتىڭ سوزىنە قاراعاندا، جەڭىل ونەركاسىپتە توقىما ماتالارى جانە توقىما بۇيىمدار ەكسپورتى 66,1 پايىزعا، ءجۇن - 1,2 ەسەگە، ماقتا تالشىعى - 28,1 پايىزعا ءوستى.

«جالپى، ەلدىڭ سىرتقى ساۋدا اينالىمى 25,6 پايىزعا، ياعني 62,1 ميلليارد ا ق ش دوللارىنا دەيىن ۇلعايدى»، - دەيدى ۆەدومستۆو باسشىسى.