قازاقستان مەن وزبەكستان ارنايى تەحنيكا ءوندىرۋدى جوسپارلاۋدا
بۇل تۋرالى ق ر قورعانىس جانە ايەروعارىش ونەركاسىبى مينيسترلىگىنىڭ باسپا ءسوز قىزمەتى حابارلادى.
ەڭ زاماناۋي جانە وزىق تەحنولوگيالار نەگىزىندە 16-دان 100 تونناعا دەيىن جۇك كوتەرەتىن اۆتوكراندار، مانيپۋلياتور- كراندار، ءوزى اۋدارعىشتار، مۇناي ونىمدەرىن تاسىمالداۋعا ارنالعان اۆتوشاناش- بەنزين تاسىمالداعىشتارى قازاقستاندا شىعارىلاتىن بولادى.
تاراپتار وتاندىق نارىقتىڭ ارنايى تەحنيكاعا دەگەن قاجەتتىلىگىنىڭ ماركەتينگتىك تالداۋىن وتكىزدى، ءتيىستى تەحنيكالىق جانە وزگە دە قۇجاتتاردى ازىرلەدى. قازىرگى ۋاقىتتا «تىنىس» ا ق بازاسىندا ءوندىرىس الاڭىن دايىنداۋ جۇرگىزىلۋدە.
«تىنىس» ا ق باس ديرەكتورى قايرات قالمانبايەۆتىڭ سوزىنشە، كومپانيالارمەن قابىلدانىپ جاتقان شارالار قازاقستاندا تالاپ ەتىلەتىن ماڭىزدى ەكسپورتتىق الەۋەتى بار باسەكەگە قابىلەتتى ونىمدەردى جيناۋدى رەتكە كەلتىرۋگە مۇمكىندىك بەرەدى، ول، ءوز كەزەگىندە ەكى ەلدىڭ ماشينا جاساۋ سالالارىنىڭ ىنتىماقتاستىعىن دامىتۋعا نەگىز بولادى.
اعىمداعى جىلدىڭ قىركۇيەك ايىندا قازاقستان مەن وزبەكستاننىڭ II- بيزنەس- فورۋمىنىڭ اياسىندا، «قازاقستان ينجينيرينگ» ۇلتتىق كومپانياسى مەن «Krantas Group» ج ش ق ىنتىماقتاستىق تۋرالى مەموراندۋمعا قول قويدى.
«تىنىس» ا ق قازاقستان رەسپۋبليكاسىنىڭ قورعانىس جانە ايەروعارىش ونەركاسىبى مينيسترلىگىنىڭ سەنىمگەرلىك باسقارۋىنداعى «قازاقستان ينجينيرينگ» ۇ ك» ا ق- نىڭ ەنشىلەس كاسىپورنى بولىپ تابىلادى.
«Krantas Group» ج ش س - ونەركاسىپ پەن قۇرىلىس سەكتورىنىڭ ءار ءتۇرلى سالالارى ءۇشىن ارنايى تەحنيكا وندىرۋگە مامانداندىرىلعان وزبەكستاننىڭ ەڭ ءىرى كاسىپورنى.