اليك شپەكبايەۆ جاڭا قىزمەتكە تاعايىندالدى

استانا. قازاقپارات - مەملەكەت باسشىسى اليك جاتقامباي ۇلى شپەكبايەۆتى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى قىزمەتىنە تاعايىندادى.

بۇل تۋرالى بۇگىن اقوردانىڭ تۆيتتەردەگى پاراقشاسىندا حابارلاندى.

اليك جاتقامباي ۇلى شپەكبايەۆ 1957 -جىلى 4 - شىلدەدە الماتى وبلىسى، قاسكەلەڭ اۋدانى، اباي اۋىلىندا دۇنيەگە كەلگەن.

1980 -جىلى ك س ر و ءى ءى م شىمكەنت ارنايى ورتا مەكتەبىن ءبىتىردى. 1987 -جىلى ك س ر و ءى ءى م قاراعاندى جوعارى مەكتەبىن، 1993 -جىلى ر ف ءى ءى م اكادەمياسىن بىتىرگەن. زاڭ عىلىمدارىنىڭ كانديداتى.

1974-1975 -جىلدارى - تالعار قالاسى تالعار اۋىل شارۋاشىلىعى تەحنيكۋمىنىڭ ستۋدەنتى؛

1975-1977 -جىلدارى - كەڭەس اسكەرىنىڭ قاتارىندا قىزمەت ەتتى؛

1978 -جىلى - الماتى وبلىسى بويىنشا كامەنكا اۋىلىندا ق ج م ك سلەسارى؛

1980-1984 -جىلدارى - الماتى وبلىستىق ءى ءى ب ە ت ك-71 جەدەل ءبولىمىنىڭ وترياد باستىعى، ينسپەكتورى، سي-1 جەدەل ءبولىمىنىڭ ينسپەكتورى؛

1984-1988 -جىلدارى - قاسكەلەڭ اۋداندىق ءى ءى ب قىلمىستىق ىزدەستىرۋ بولىمشەسىنىڭ جەدەل وكىلى، اعا جەدەل وكىلى؛

1988-1989 -جىلدارى - قاسكەلەڭ اۋداندىق ءى ءى ب كامەنكا اۋىلدىق ميليتسيا ءبولىمىنىڭ باستىعى؛

1989-1991-جىلدارى - الماتى وبلىسىنىڭ بالقاش ا ءى ى ب باستىعى؛

1991-1993 -جىلدارى - ماسكەۋ قالاسى ك س ر و جانە ر ف ءى ءى م اكادەمياسىنىڭ تىڭداۋشىسى؛

1994-1995 -جىلدارى - الماتى وبلىسىنىڭ قاسكەلەڭ اۋداندىق ءى ءى ب باستىعى؛

1995-1997 -جىلدارى - الماتى وبلىسى بويىنشا م ت ك ب باستىعىنىڭ ورىنباسارى، الماتى وبلىسى بويىنشا م ت ك د اسا قاۋىپتى قىلمىستاردى تەرگەۋ باسقارماسىنىڭ باستىعى؛

1997-2000 -جىلدارى - جەكە تۇلعاعا قارسى قىلمىستاردى اشۋ جونىندەگى باسقارماسىنىڭ باستىعى، ۇيىمداسقان قىلمىسقا قارسى كۇرەس باسقارماسىنىڭ باستىعى، ۇيىمداسقان قىلمىسقا قارسى كۇرەس باسقارماسى باستىعىنىڭ ورىنباسارى، ق ر ءى ءى م كريمينالدىق پوليتسيا دەپارتامەنتى باستىعىنىڭ ءبىرىنشى ورىنباسارى؛

2000-2003 -جىلدارى - الماتى وبلىسى بويىنشا ءى ءى ب باستىعى.

2003-2008 -جىلدارى - قازاقستان رەسپۋبليكاسنىڭ ىشكى ىستەر ۆيسە- ءمينيسترى.

2008-2014 -جىلدارى - قازاقستان رەسپۋبليكاسىنىڭ پرەزيدەنتى اكىمشىلىگى قۇقىق قورعاۋ جۇيەسى ءبولىمىنىڭ مەڭگەرۋشىسى؛

2014-2015 -جىلدارى - قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى؛

2016 -جىلدىڭ 12 - قاڭتارىنان باستاپ 28 - قىركۇيەگىنە دەيىن قازاقستان رەسپۋبليكاسى مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس- قيمىل ۇلتتىق بيۋروسى (سىبايلاس جەمقورلىققا قارسى قىزمەت) ءتوراعاسىنىڭ ورىنباسارى.

2016 -جىلدىڭ 28 - قىركۇيەگىندە قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى بولىپ تاعايىندالدى.

II دارەجەلى «ايبىن»، II دارەجەلى «داڭق» جانە «پاراسات» وردەندەرىمەن، «قازاقستان رەسپۋبليكاسىنىڭ تاۋەلسىزدىگىنە 10 جىل»، «قازاقستان رەسپۋبليكاسىنىڭ كونستيتۋتسياسىنا 10 جىل»، «استانانىڭ 10 جىلدىعى» مەركەلىك مەدالدارىمەن، سونداي- اق ۆەدومستۆولىق مەدالدارىمەن ناگرادتالعان.

قازاقستان رەسپۋبليكاسى ءى ءى م ەڭبەك سىڭىرگەن قىزمەتكەرى.

الماتى وبلىسىنىڭ قۇرمەتتى ازاماتى.

وتباسىلى، ەكى ۇلى جانە قىزى بار.