سالتاناتتى ءراسىمدى تاماشالاۋ ءۇشىن ستوكگولمدەگى كونسەرت زالىنا ءبىر جارىم مىڭنان استام ادام جينالعان. ولار - بەدەلدى سىيلىق يەگەرلەرىنىڭ جاقىندارىمەن قاتار شۆەد ساياساتكەرلەرى، مادەنيەت قايراتكەرلەرى، عالىمدار جانە ستۋدەنتتىك ۇيىم وكىلدەرى.
ماراپاتتاۋ ءراسىمىنىڭ سوڭى ستوكگولمنىڭ قالالىق راتۋشاسىنداعى ءداستۇرلى نوبەل بانكەتىنە ۇلاستى. ال بەيبىتشىلىك سالاسىنداعى نوبەل سىيلىعى ادەتتەگىدەي نورۆەگيا استاناسى وسلو قالاسىندا ءوتتى. بيىل ول يادرولىق قارۋعا تىيىم سالۋ جونىندەگى حالىقارالىق ۇيىمعا بۇيىرعان.
بەاتريس فين، يادرولىق قارۋعا تىيىم سالۋ جونىندەگى ۇيىمنىڭ اتقارۋشى ديرەكتورى:
- قازىرگى كەزدە يادرولىق قارۋدى قولدانۋ قاۋپى بۇرىنعىدان دا جوعارى. ول ازداي بۇگىندە الەمگە لاڭكەستەر مەن كيبەرشابۋىلدار قاۋپى دە ءتونىپ تۇر. سوندىقتان بارلىق ەلدەر وسى باعىتتا كۇش بىرىكتىرۋى ءتيىس.
www.24.kz