اگەنتتىك تاراتقان اقپاراتقا قاراعاندا، جەكسەنبىدە 1,1 ميلليوننان استام ادام جالپى ۇلتتىق مەملەكەتتىك قىزمەتكە قابىلدانۋ ەمتيحانىن تاپسىردى. وتكەن جىلى بۇل سىناققا 984 مىڭ ادام قاتىسقان ەدى. وسىمەن ەكىنشى مارتە ەمتيحان تاپسىرۋشىلار سانى 1 ميلليون ادامنان اسىپ وتىر.
سىناقتان وتكەندەر مەملەكەتتىك قۇرىلىمدارداعى 28 مىڭ بوس ورىنعا قىزمەتكە تۇرا الادى، ياعني ءاربىر 39 ۇمىتكەردىڭ بىرەۋى عانا جۇمىسقا قابىلدانادى دەگەن ءسوز.
جازباشا تاپسىرىلعان ەمتيحاننىڭ قورىتىندىسى 2018-جىلدىڭ قاڭتارىندا جاريالانادى. سىناقتان وتكەن ۇمىتكەرلەر ەمتيحاننىڭ ەكىنشى كەزەڭى - ناۋرىز ايىندا سۇحباتتاسۋعا شاقىرىلماق.
مەملەكەتتىڭ قىزمەتكە قابىلداۋ ەمتيحانىنىنىڭ مۇنداي جوعارى دەڭگەيدە ءوتۋى، قىتايداعى مەملەكەتتىك قىزمەتتەگى ادامنىڭ جاقسى تابىس تاۋىپ، تۇراقتى ەڭبەك ەتۋىمەن بايلانىستى.