بۇل تۋرالى ول Tengrinews پورتالىنىڭ «The ەفير» جوباسىندا ايتتى.
قازاقستاندا ءوزىنىڭ انشىلىك مانسابىن دامىتىپ جۇرگەن يتاليالىق ءانشى بۇگىندە قازاقتاردىڭ جانى مەن مەنتاليتەتىنە ابدەن ۇيرەنىسكەن. ول العاش كەلگەندە ءبىزدىڭ ەلدەگى كوپتەگەن جايتتارعا تاڭىرقاي قاراپ، كوپ نارسەنىڭ بايىبىنا بارماعانىن جەتكىزدى. سونىمەن بىرگە، ول جەرگىلىكتى قىزداردىڭ باي جىگىتتەرگە نازار اۋدارىپ، ولاردىڭ كولىگى مەن ماتەريالدىق جاعدايىنا كوبىرەك كوڭىل بولەتىنىن بايقاپ، تاڭعالعانىن ايتتى.
«مۇنداعى مەنتاليتەت ماتەريالدىق جاعدايعا قاراي بەيىمدەلگەن. قىزدار قىمبات كولىكتەر مەن قالتاعا قارايدى. ولار ءۇشىن بۇل ءومىردىڭ ءلاززاتى بولىپ كورىنەدى. مەن كوپتەگەن «اعاشكالاردىڭ» باقىتسىز ايەلدەرىن بىلەمىن. مەنىڭشە، ولاردا دۇرىس سەكس جوق. «اعاشكالار» جامان دەگەنىم ەمەس بۇل، ولاردىڭ جاي عانا كوڭىل بولۋگە ۋاقىتى جوق. ماحاببات، شىعارماشىلىق - بۇلار ءبىرىنشى ورىندا بولۋى كەرەك. ءبىراق بايلىق ەمەس»، - دەدى ول.