قازاقستان مەن تۇركيا كەدەن سالاسىندا ىنتىماقتاسپاق
ەكىجاقتى كەزدەسۋدە قىتاي مەن ەۋروپا اراسىندا ورتاق ءدالىز ارقىلى جۇك تاسىمالداۋ ماسەلەسى ءسوز ەتىلدى. تاراپتار جاقىندا عانا ىسكە قوسىلعان باكۋ- تبيليسي- كارس تەمىرجول ءدالىزىنىڭ مۇمكىندىگىن پايدالانۋ ءۇشىن كەدەن ورگاندارىنىڭ بىرلەسىپ، قىزمەت ەتۋى قاجەت ەكەنىنە باسا نازار اۋداردى.
«قازاقستان - تۇركيا ءۇشىن ايماقتاعى ەڭ سەنىمدى ەكونوميكالىق ارىپتەس. بۇگىندە ەكىجاقتى قارىم- قاتىناسىمىز كەڭەيىپ، بارلىق سالالار بويىنشا دامىپ كەلەدى. كەدەن ورگاندارىمىز اراسىنداعى ەكىجاقتى ىنتىماقتاستىق 2003 -جىلى قول قويىلعان قازاقستان مەن كەدەن سالاسىنداعى ىنتىماقتاستىق كەلىسىمى اياسىندا جۇزەگە اسىپ وتىر. قازاقستاننىڭ ءوسىپ وركەندۋى ءبىزدى قۋانتادى، ويتكەنى، قازاقستاننىڭ قۋاتتى بولۋى ايماقتا ساياسي ەكونوميكالىق ءرول وينايدى» ، - دەدى بيۋلەنت تيۋفەكچي.
كەزدەسۋدە ابزال ساپاربەك ۇلى بيۋلەنت تيۋفەكچيگە قازاقستاننىڭ ديپلوماتيالىق قىزمەتىنە 25 جىل مەدالى تابىس ەتىلدى.
ايتا كەتەيىك، قازىرگى ۋاقىتتا قازاقستان مەن تۇركيا ساۋدا اينالىمى 2 ميلليارد ا ق ش دوللارىن قۇرايدى.
اۆتور: الماس مۇقاش ۇلى