بۇل باعا ءباسساۋدا ۇيىمداستىرۋشىلارىنىڭ بولجامىنان ەكى ەسە كوپ بولىپ شىقتى. ەميل زوليانى كوپشىلىك جازۋشى جانە ايگىلى درەيفۋس ىسىنە قاتىستى جازعان «مەن ايىپتايمىن» ماقالاسىنىڭ اۆتورى رەتىندە عانا تانيدى. ءبىراق، ونىڭ سوڭعى 8 -جىلى فوتوونەرگە دەگەن ۇلكەن ماحابباتقا تولى بولعانىن بىرەۋ بىلسە، بىرەۋ بىلمەيدى. ونىڭ ونداعان فوتواپپاراتى بولعان. ونىڭ 3 ءۇيىنىڭ ۇشەۋىندە دە ارنايى جابدىقتالعان فوتوستۋديا بولعان. 7000 نان استام سۋرەت ءتۇسىرىپ ۇلگەرگەن جازۋشى پورترەت، پەيزاج سىندى ءتۇرلى جانرلاردا جۇمىس ىستەگەن. ونىڭ نىسانىنا سەنا وزەنىندەگى كەمەلەر، ەيفەل مۇناراسى، سىعاندار جانە ت. ب. تۇسكەن.
سۋرەتتەر توپتاماسى جازۋشىنىڭ نەمەرەسى فرانسۋا ەميل- زوليانىڭ ۇيىندە ساقتالىپ كەلگەن. وعان مۇنداي قۇندى قازىنا اكەسى جاك زوليادان مۇراعا قالعان. ساۋداعا فوتوسۋرەتتەر، فوتوپلاستينالار، قۇرىلعىلارمەن قوسا، سۋرەتتەردى باسىپ شىعارۋ كەزىندە جازۋشى كيگەن حالاتتار دا قويىلعان. پاريجدەگى د'ورسە مۇراجايى 1897 -جىلعى «دەنيزا مەن جاك. اقيقات تاريح» اتتى البومدى ساتىپ الدى. ال، اينەك فوتوپلاستينا فرانتسيانىڭ ارحيتەكتۋرا جانە ۇلتتىق يگىلىكتەر قورىنا ەندى. ەميل زوليا سۋرەتتەر ءتۇسىرۋ كەزىندە ءتۇرلى تاجىريبەلەر جاساۋدى ادەتكە اينالدىرعان. مىسالى، ول جاساعان اۆتورپورتتەر قازىرگى سەلفيدىڭ پايدا بولۋىنا العىشارت رەتىندە قاراستىرىلادى. Artcurial ءباسساۋدا ءۇيىنىڭ باسشىسى انتۋان رومان جازۋشىنىڭ وزىندىك ەرەكشە كوزقاراسى بولعانىن ايتادى.
Massaget.kz