تەرگەۋ امالدارى كورسەتكەندەي، 38 جاستاعى ازامات نەوۇلتشىلدىقتى جاقتاپ، اينالاسىنداعىلارعا بەلسەندى تۇردە فاشيزم يدەيالارىن سىڭىرە باستاعان. قاراعاندى قالاسى ىشكى ىستەر دەپارتامەنتىنىڭ قىزمەتكەرلەرى، الەۋمەتتىك جەلى بەلسەندىسىن قىلمىستىق جاۋاپكەرشىلىككە تارتتى.
«ول ءوزىنىڭ قىلمىستىق ءىس-ارەكەتىن «ۆكونتاكتە» الەۋمەتتىك جەلىسى ارقىلى جۇزەگە اسىرىپ، ۇلتتىق جانە ناسىلدىك ارازدىق تۋدىراتىن ماتەريالداردى جۇكتەپ وتىرعان. سونداي-اق، فاشيستىك سۆاستيكا بەينەلەنگەن تۋدى پايدالانعان»، - دەپ جازىلعان سوت ۇكىمىندە.
ايىپتالۋشى شەتەلدىك ينتەرنەت- قاۋىمداستىقتاردىڭ جاريالانىمدارىمەن بىرنەشە مارتە بولىسكەن.
سوت 38 جاستاعى ازاماتتى ق ر قىلمىستىق كودەكسىنىڭ 174-بابى، 1-بولىگى بويىنشا كىنالى دەپ تانىپ، 4 جىل، 8 ايعا باس بوستاندىعىن شەكتەۋ تۋرالى ۇكىم شىعاردى. قازىرگى ۋاقىتتا قۇقىققورعاۋ ورگاندارى وسىعان ۇقساس قىلمىستاردىڭ الدىن الۋعا بايلانىستى اۋقىمدى شارۋالار اتقارۋ ۇستىندە. اتالمىش قۇرىلىم قازىر ەكسترەميستىك كونتەنت تاراتىپ جۇرگەن كەز-كەلگەن قولدانۋشىنى انىقتاي الاتىن قۇرىلعىلارمەن جابدىقتالعان.