ق ر قارجى مينيسترلىگى مەملەكەتتىك كىرىستەر كوميتەتىنىڭ (م ك ك) باسپا ءسوز قىزمەتى بەرگەن مالىمەتتەرگە قاراعاندا، 29 -قىركۇيەكتە رەسەيدىڭ ۆورونەج قالاسىندا م ك ك ەكونوميكالىق تەرگەۋلەر قىزمەتىنىڭ قىزمەتكەرلەرى رەسەي قۇقىق قورعاۋ ورگاندارىنىڭ قولداۋىمەن قازاقستان ازاماتى د. لاكومكيندى ۇستاعان. ول ەكونوميكالىق قىزمەت سالاسىندا جاسالعان قىلمىستىق قۇقىق بۇزۋشىلىقتاردان كەيىن ءىزىن جاسىرعان.
ءبىر قىزىعى، د. لاكومكين 2016 -جىلعى قىركۇيەكتە رەسەي اۋماعىندا ءوزىنىڭ جالعان ءولىمىن ۇيىمداستىرىپ، ءولدى دەپ تانىلعان.
جالپى، 2017 -جىلى ق ر ق م م ك ك ە ت ق رەسەي، قىرعىزستان، ازەربايجان، ۋكراينا، موڭعوليا، بىرىككەن اراب امىرلىكتەرى، امەريكا قۇراما شتاتتارى اۋماقتارىندا ەكونوميكالىق قىزمەت سالاسىندا جاسالعان قىلمىستىق قۇقىق بۇزۋشىلىقتار جاسادى دەگەن كۇدىكپەن ىزدەستىرىلىپ جاتقان 22 تۇلعا انىقتالعان. ولاردىڭ قىلمىستارى سالدارىنان مەملەكەتكە 10 ميلليارد تەڭگەدەن استام زالال كەلتىرىلگەن.