جاساندى اقىل ءبىر تاۋلىك ىشىندە شاحمات ويناۋدى ۇيرەنىپ الدى

Deep Mind باعدارلاما ءتۇزۋشى كومپانياسى جاساندى اقىلعا قاتىستى جاڭا دەرەكتەر ۇسىندى: AlphaGo الگوريتمى 24 ساعات ىشىندە شاحمات پەن سەگا ويىندارىن ادامنان ارتىق مەڭگەرىپ العان. بۇرىن AlphaGo گو ويىنىندا الەم چەمپيوندارىن جەڭگەن. سوڭعى كەزدە جاساندى اقىل ويىنداردى بۇرىنعىسىنان ايتارلىقتاي جىلدام مەڭگەرەتىن بولعان. جاساندى سانانىڭ اتالعان جەتىستىگى كورنەلل ۋنيۆەرسيتەتىنىڭ پرەپرينتتەر سەرۆەرىنە جۇكتەلدى.

بۇل جولى AlphaZero ادام ۇستازدىڭ كومەگىمەن ەمەس، ويىنداردى وزدىگىنەن مەڭگەرىپ العان. ەكى جاساندى ويىنشى ويناپ، ولار شاحماتتاعى جۇرىستەردى ەستەرىندە ساقتاپ وتىرعان. وسى ساقتالعان جۇرىستەردىڭ ارقاسىندا AlphaZero كەلەسى پارتيالاردا جەڭىسكە جەتكىزەتىن ءتيىمدى جۇرىستەردى عانا تاڭداعان.

AlphaZero از ۋاقىت دايىندىعىنا قاراماستان، Stockfish جاساندى اقىلدى 28 رەت جەڭىپ، 72 رەت تەڭ تۇسكەن. ال Elmo نى 90 رەت جەڭىپ، 8 رەت جەڭىلىپ جانە 2 رەت تەڭ تۇسكەن. بۇل - وتە جوعارى جەتىستىك. ونىڭ ۇستىنە شاحمات پەن سەگا ويىندارى گو وينىنا قاراعاندا الدەقايدا كۇردەلى.

Baq.kz