كوپتەگەن ادام كۇنىن تاڭەرتەڭ دۋشقا تۇسۋدەن باستايدى. الايدا شەكتەن تىس تازالىقتىڭ دا دەنساۋلىققا كەرى اسەرىن تيگىزەتىن كەزدەرى بولادى. دەرماتولوگ مامانداردىڭ ءجيى دۋشقا ءتۇسۋدى قولدامايتىنىن ەستىپ، قاتتى تاڭعالاتىن شىعارسىز. ءبىراق، ولاردىڭ كوپشىلىگى تەك ەكى- ءۇش كۇندە ءبىر رەت جۋىنۋعا كەڭەس بەرەدى. دەرماتولوگتاردىڭ نەگە بۇلاي كەڭەس بەرەتىندەرىن ءتۇسىنۋ ءۇشىن تەرىنىڭ وزدىگىنەن تازارۋ ءۇردىسى قالاي جۇزەگە اساتىنىن ءبىلۋ قاجەت.
سۋعا ءجيى تۇسكەن سايىن كىردەن عانا ەمەس، دەنەمىزگە ەنگەن باكتەريالاردان دا ارىلامىز. ادام اعزاسى مەن تەرىسىندەگى باكتەريالاردان تولىقتاي ارىلۋ مۇمكىن ەمەس. ەڭ باستىسى، مۇنىڭ قاجەتى دە جوق. ادام ەپيدەرميسىنە تارالعان باكتەريالاردىڭ كوبىسى دەنساۋلىققا پايدالى. ارينە، مۇنىمەن قاتار، ادامنىڭ دەنساۋلىق جاعدايى دا ەسكەرىلۋى ءتيىس.
كۇندەلىكتى دۋشقا ءتۇسۋ كىمدەر ءۇشىن پايدالى؟
- سپورتشىلار؛
- فيتنەسپەن اينالىساتىن ادامدار؛
- ىستىق ءارى ىلعالدى اۋدانداردا تۇراتىندار؛
- شاحتا سىندى ەرەكشە جەرلەردە جۇمىس ىستەيتىن ادامدار ءۇشىن.
ءجيى دۋشقا ءتۇسۋدىڭ قانداي كەرى اسەرى بار؟
ىستىق دۋش كوپتەگەن پروبلەماعا اكەلىپ سوقتىرادى. مىسالى، ىستىق دۋش تەرىدەگى «تابيعي مايدى» كەتىرەدى. ال بۇل مايلار بىزگە تەرىمىزدى قورعاپ تۇرۋ ءۇشىن قاجەت. وسىنىڭ سالدارىنان تەرىڭىز قاتتى قۇرعاپ، قىشىنۋى مۇمكىن. كەيدە مۇنىڭ بارلىعى ەكزەماعا ۇلاسادى.
ادام قولى ءۇشىن قىشقىل ورتا پايدالى. كەيدە ادامدار سابىننىڭ اسەرىنەن قول تەرىسى ەپيدەرميسىندەگى pH مولشەرىن بۇزىپ الادى. بۇل ەرەجە شاشقا دا قاتىستى. اسىرەسە، تابيعاتىنان قۇرعاق شاشتارعا كەرى اسەرىن تيگىزەدى. ونىڭ ۇستىنە قۇرعاق باستا قايىزعاق تەز پايدا بولادى.
Baq.kz