ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ب ق و بويىنشا دەپارتامەنتى «نۇر وتان» پارتياسىنىڭ جانە «جاڭارۋ» جەمقورلىققا قارسى جالپى ۇلتتىق قوزعالىسىنىڭ وبلىستىق فيليالدارىمەن بىرلەسىپ ۇيىمداستىرعان ءداستۇرلى بايقاۋعا 33 جۋرناليست قاتىسىپ، باق سىنادى.
شارا بارىسىندا دەپارتامەنت باسشىسى، ادەپ جونىندەگى كەڭەس ءتوراعاسى بولات يساقوۆ ب ۇ ۇ- نىڭ باستاماسىمەن اتالىپ ءوتىلىپ كەلە جاتقان حالىقارالىق سىبايلاس جەمقورلىققا قارسى كۇرەس كۇنىنىڭ ءمان-ماڭىزىنا توقتالدى. ەلىمىزدە ارنايى قابىلدانعان ستراتەگيانىڭ ناتيجەسىندە سىبايلاس جەمقورلىقتىڭ الدىن الۋ باعىتىنداعى كەڭ كولەمدى شارالار ءوز جەمىسىن بەرە باستادى.
مۇنى الەۋمەتتىك ساۋالنامالار مەن حالىقارالىق ساراپشىلار دا راستاۋدا. مىسالى، قاراشا ايىندا ۆاشينگتوندا وتكەن كەزدەسۋدە حالىقارالىق ۇيىمدار قازاقستانداعى سىبايلاس جەمقورلىققا قارسى ساياساتتىڭ قازىرگى زامانعى تالاپتارعا ساي كەلەتىنىن اتاپ ءوتتى.
ەلباسى «بولاشاققا باعدار: رۋحاني جاڭعىرۋ» باعدارلامالىق ماقالاسىندا ساناداعى وزگەرىستى ءار ادامنىڭ وزىنەن باستاۋ كەرەكتىگىن اتاپ وتكەنى بەلگىلى. «100 ناقتى قادام» ۇلت جوسپارىنا سايكەس مەملەكەتتىك ورگانداردىڭ اشىقتىعى مەن جاريالىلىعىن قامتاماسىز ەتۋ باعىتىندا ءتيىستى جۇمىستار اتقارىلۋدا.
مەملەكەتتىك قىزمەت كورسەتۋ سالاسىندا جەمقورلىقتى جويۋ بويىنشا اۋقىمدى جۇمىستار جۇرگىزىلۋدە. قازىرگى تاڭدا مەملەكەتتەن قىزمەتتەردىڭ 47 پايىزى ونلاين تۇردە كورسەتىلەدى. وسى ورايدا كاسىپكەرلەرگە بارلىق ليتسەنزيالار مەن رۇقساتنامالار تەك ەلەكتروندى تۇردە بەرىلەدى. الداعى ءۇش جىلدا مەملەكەتتەن كورسەتىلەتىن قىزمەتتەردىڭ 80 پايىزى ونلاين تارتىبىمەن قولجەتىمدى بولماق. مەملەكەتتىك قىزمەت مەريتوكراتيا قاعيداسىنا نەگىزدەلىپ، جاڭا تۇرپاتتا جۇمىس جاسالۋدا.
ءۇش ساتىلى كونكۋرستىق ىرىكتەۋ مەن مانساپتىق ۇلگى ەنگىزىلدى. ناتيجەسىندە مەملەكەتتىك قىزمەتكە قايتا كەلۋشىلەر سانى ءۇش ەسەگە ءوستى. ال كادر اۋىسۋشىلىعى - 2, لاۋازىم اۋىستىرۋ سانى 18 ەسەگە ازايدى.
بايقاۋ قورىتىندىسىندا «جايىق پرەسس» ج ش س جانىبەك اۋداندىق «شۇعىلا» گازەتىنىڭ ءتىلشىسى مەڭدىگۇل فازىلوۆا «وبلىستىق، قالالىق جانە اۋداندىق باسىلىمداعى مەملەكەتتىك تىلدەگى ۇزدىك ماتەريال»، وبلىستىق «پريۋرالە» گازەتىنەن جاننا بالىقوۆا «وبلىستىق، قالالىق جانە اۋداندىق باسىلىمداعى ورىس تىلىندەگى ۇزدىك ماتەريال» اتالىمى بويىنشا جەڭىمپاز اتاندى.
سول سەكىلدى ج. دوسمۇحامەدوۆ اتىنداعى ورال پەداگوگيكالىق كوللەدجى ديرەكتورىنىڭ ورىنباسارى ساندۋعاش ءسادۋاقاس قىزى «مەملەكەتتىك تىلدەگى ۇزدىك بەينەروليك»، وبلىستىق راديونىڭ تىلشىلەرى گۇلجاز بادەلوۆا مەن نينا پاۆلىچيەۆا «مەملەكەتتىك تىلدەگى ۇزدىك راديوحابار» جانە «ورىس تىلىندەگى ۇزدىك راديوحابار» اتالىمى بويىنشا ۇزدىك شىقتى.
اۋداندىق دەڭگەيدەگى مەملەكەتتىك ورگاندار اراسىندا جاڭاقالا اۋداندىق ىشكى ساياسات ءبولىمى «ب ا ق- پەن بايلانىستاعى ۇزدىك ارىپتەس» رەتىندە تانىلىپ، ارنايى جۇلدەگە يە بولدى. سونىمەن قاتار قوعامدا سىبايلاس جەمقورلىققا قارسى مادەنيەت قالىپتاستىرۋدا بەلسەندى قىزمەت ەتكەن ءبىرقاتار مەكەمە-ۇيىمدار باسشىلارىنا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ب ق و بويىنشا دەپارتامەنتى باسشىسىنىڭ العىس حاتتارى تابىس ەتىلدى.