جەمقورلاردىڭ مۇلكى كوپبالالى وتباسىلارعا تاراتىلۋى مۇمكىن

استانا. قازاقپارات - ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جەمقورلاردىڭ مال-مۇلكىن الەۋمەتتىك جاعىنان از قامتىلعاندارعا تاراتىپ بەرۋ ماسەلەسىن قاراستىرىپ جاتىر، دەپ حابارلايدى قازاقپارات ءتىلشىسى.

سىبايلاس جەمقورلىققا قارسى ءىس-قيمىل بويىنشا ۇلتتىق بيۋرونىڭ جەتەكشىسى تالعات توتۋبايەۆتىڭ ايتۋىنشا، بۇگىندە اتالعان ورگان ۇرلانعان اقشانى انىقتاپ قانا قويماي، تاركىلەنگەن مۇلىك پەن اقشانىڭ اينالىمىن دا باقىلاپ كەلەدى.

«مەملەكەت مەنشىگىنە اۋدارىلاتىن مۇلىك تە بار. قازىرگى كەزدە ءبىز تاعى ءبىر باستامانى كوتەرىپ جاتىرمىز. ونداي اكتيۆتەردى الەۋمەتتىك جاعىنان از قامتىلعاندارعا - بالالار ۇيلەرى مەن كوپبالالى وتباسىلارعا تاراتىپ بەرۋ ماسەلەسى پىسىقتالىپ جاتىر»، - دەدى توتۋبايەۆ استاناداعى حالىقارالىق كونفەرەنتسيادا.

بيۋرو باسشىسىنىڭ ايتۋىنشا، سىبايلاس جەمقورلىققا قارسى ارنايى ورگان قۇرىلعالى بەرى 8 مىڭنان استام جەمقورلىق ارەكەتتەرى اشكەرلەندى. وسى جۇمىستىڭ اياسىندا شامامەن 3 مىڭ ادام قىلمىستىق جازاعا تارتىلدى. مەملەكەتكە كەلگەن شىعىن 60 ميلليارد تەڭگەدەن استى.

«ول اقشانىڭ جارتىسى قايتارىلدى. وسى قارجىعا 19 مەكتەپ، 100 بالاباقشا، ءيا بولماسا، 18 اۋرۋحانانى سالۋعا بولاتىن ەدى»، - دەپ اتاپ كورسەتتى تالعات توتۋبايەۆ.