جيىن بارىسىندا قازاقستان مۇسىلماندارى ءدىني باسقارماسىنىڭ جاڭا باس ءمۇفتيى سايلاندى، دەپ حابارلايدى قازاقپارات ءتىلشىسى.
قۇرىلتايعا قاتىسۋشى 300 دەن استام دەلەگات سەرىكباي قاجى وراز ۇلىنىڭ كانديداتۋراسىن ءبىراۋىزدان قولدادى.
جاڭا باس ءمۇفتي 4 جىل، ياعني 2018-2022-جىلدار ارالىعىندا قىزمەت اتقاراتىن بولادى. سونداي-اق باس ءمۇفتي ورىنباسارلارى لاۋازىمىنا ناۋرىزباي قاجى تاعان ۇلى، الاۋ ادىلبايەۆ، باۋىرجان ەسماحانوۆ سايلاندى.
«ماعان كومەكشى بولۋ استە وڭاي ەدى. ءبىراق تاڭداۋ سولاي بولسا، مەن بۇل مىندەتتى اتقارۋعا دايىنمىن»، - دەدى سەرىكباي قاجى وراز ۇلى.
قۇرىلتاي جۇمىسىنا ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ، قازاقستان مۇسىلماندارى ءدىني باسقارماسىنىڭ ءتورالقا مۇشەلەرى، عۇلامالار كەڭەسىنىڭ مۇشەلەرى، تەولوگ-عالىمدار، زيالى قاۋىم وكىلدەرى، ەلىمىزدىڭ ءار وبلىسىنان كەلگەن قۇرىلتاي دەلەگاتتارى قاتىسۋدا.
قازاقستاننىڭ بۇرىنعى باس ءمۇفتيى ەرجان قاجى مالعاجى ۇلى ءوزى قىزمەت اتقارعان 2013-2017-جىلدار ارالىعىندا ىسكە اسىرىلعان جۇمىستار جونىندە ەسەپ بەردى.