ءمالىم ەتىلگەندەي، جاڭا مۇراگەردى تاققا وتىرعىزۋ ءراسىمى 2019-جىلدىڭ 1- مامىرىندا وتەدى.
مۇنداي شەشىم سوڭعى 25 جىل ىشىندە العاش رەت شاقىرىلعان يمپەراتوردىڭ وتباسى ماسەلەلەرى جونىندەگى كوميسسيا وتىرىسىندا قابىلداندى. يمپەراتور كوزى تىرىسىندە تاقتان باس تارتۋى 200 جىلدا تۇڭعىش رەت بولعالى وتىر.
وتكەن جىلدىڭ تامىزىندا يمپەراتور اكيحيتو حالىققا ارنايى ۇندەۋىندە ەگدە جاسىنا بايلانىستى ءوز مىندەتتەرىن ورىنداۋ بارا-بارا قيىنعا سوعىپ جاتقانىن ايتىپ، تاقتى مۇراگەرگە بەرگىسى كەلەتىنىن جەتكىزگەن ەدى.
ءبىراق، يمپەراتور ءۇيى تۋرالى زاڭدا جانە ەل كونستيتۋتسياسىندا مۇراگەردىڭ تاققا وتىرۋى تەك ءىس باسىنداعى يمپەراتور قايتىس بولعاننان كەيىن عانا قاراستىرىلعان.