استانادا فارماتسيەۆتيكالىق زاۋىت سالىنادى
10:49, 07 - جەلتوقسان 2017
استانا. قازاقپارات - استانادا فارماتسيەۆتيكالىق زاۋىت سالىناتىن بولدى. بۇلتۋرالى ەلوردا اكىمى اسەت يسەكەشيەۆ ءوزىنىڭ فەيسبۋكتەگى پاراقشاسىندا حابارلادى.
«بۇگىن ينۆەستورلارمەن استانا قالاسىندا فارماتسيەۆتيكالىق زاۋىت سالۋ تۋرالى مەموراندۋمعا قول قويدىق. شەتەلدىك ينۆەستيتسيا كولەمى 95 ميلليارد تەڭگەنى قۇرادى»، - دەلىنگەن حابارلامادا.
قالا باسشىسى كەلتىرگەن مالىمەتكە سۇيەنسەك، جوبا اياسىندا 550 تۇراقتى جۇمىس ورنى اشىلادى.
سونداي- اق، زاۋىت دارىلەردىڭ سان ءتۇرىن شىعاراتىن بولادى، ونىڭ ىشىندە ونكولوگيالىق اۋرۋلارعا قارسى دارىلەر دە بار.
اۆتور: ەربول جانات