اۋەلدە جەكپە-جەك 1 -جەلتوقساندا تامپتا (ا ق ش، فلوريدا شتاتى) قالاسىنىڭ USF Sun Dome ارەناسىندا وتەدى دەپ جوسپارلانعان. جەرلەسىمىزدىڭ قارسىلاسى جەرگىلىكتى بوكسشى لاماركو ەلليس بولۋى كەرەك ەدى. ءبىراق كەشە دىچكونىڭ كىممەن جۇدىرىقتاساتىنى انىقتالدى.
ەندى 8-جەلتوقسان كۇنى قوستانايلىق بوكسشى ءوزىنىڭ ءۇشىنشى جەكپە-جەگىن 39 جاستاعى مەكسيكالىق كارلوس ساندوۆالعا قارسى وتكىزەدى. التى راۋندتان تۇراتىن ايقاس ا ق ش- تىڭ فلوريدا شتاتىندا بولادى.
كارلوس ساندوۆالدىڭ لاقاپ اتى - «سۋپەرمەن». ول كاسىپقوي بوكستا بارلىعى 25 كەزدەسۋ وتكىزىپ، ونىڭ 10-دا جەڭىسكە جەتكەن. كاسىپقوي رينگكە 1997-جىلى كوتەرىلدى. ايتا كەتەيىك، ول كەزدە دىچكو نەبارى 7 جاستا بولاتىن.