جيىندا ەلوردانى گازداندىرۋ جۇمىستارىن كەزەڭ- كەزەڭىمەن ىسكە اسىرۋ ماسەلەسى دە نازاردان تىس قالعان جوق. وندا تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى مۇسا تانابايەۆ ۆەدومستۆونىڭ « استانا قالاسىنىڭ 2017-2018 - جىلدارعا ارنالعان قورشاعان ورتانى جاقسارتۋ شارالارىنىڭ كەشەندى جوسپارى» جوباسىن جۇزەگە اسىرۋعا كىرىسكەنىن جەتكىزدى.
«بۇگىنگى تاڭدا قالدىقتاردى جاندىرۋ وقيعالارىن بولدىرماۋدى انىقتايتىن مۇددەلى مەملەكەتتىك ورگانداردىڭ وكىلدەرىنەن قۇرالعان موبيلدى توپتار قۇرىلدى. ناقتىراق ايتقاندا، جەكە سەكتورداعى ۇيلەردە تۇراتىن ازاماتتار كومىردەن باسقا كولىك دوڭعالاقتارى، تىس، قاقپاق، سياقتى قورشاعان ورتاعا زيان تيگىزەتىن ماتەريالداردى جاندىرادى. بۇل استانا قالاسىنىڭ اباتتاندىرۋ ەرەجەسىنىڭ 15 تارماعىن بۇزۋ»، - دەپ ءتۇسىندىردى باسقارما باسشىسى.
سول سەبەپتى استانانىڭ ەنەرگەتيكا باسقارماسى جەكە سەكتورداعى تۇرعىن ۇيلەر مەن ءزاۋلىم عيماراتتاردىڭ كەزەڭ- كەزەڭمەن « Global Gaz Group» ج ش س قاتىسۋىمەن گاز وتىنىنا كوشىرۋ جۇمىستارىن قولعا الىپ وتىر. وسى كۇنى «تۇران» ستانساسىنان تومەندەتىلگەن تابيعي گازدى (قۋاتى ساعاتىنا 10 مىڭ تەكشە) العاشقى تۇتىنۋشى نازاربايەۆ ۋنيۆەرسيتەتىنە جىبەرۋ باستالدى. سونداي-اق، عارىش ورتالىعى مەن قورعانىس مينيسترلىگى اكادەمياسىن قوسۋ جۇمىستارى اياقتالدى. 2018 - جىلدىڭ سوڭىنا دەيىن گازداۋدىڭ ەكىنشى كەزەڭى پريگورودنىي، تەلمان تۇرعىن الاپتارىنداعى جەكە سەكتورداعى ۇيلەر مەن نازاربايەۆ حالىقارالىق اۋەجايى اۋدانىن قامتيتىن «تەلمان» ستانساسى ىسكە قوسىلادى دەپ جوسپارلانۋدا.
وسىعان وراي، اسەت يسەكەشيەۆ پرەمەر-ءمينيستردىڭ اتىنا ەكولوگيا ماسەلەلەرىنە قاتىستى كەڭەس وتكىزۋ جونىندە حات جولداۋدى، كاسىپكەرلىك جانە ونەركاسىپ باسقارماسى مەن ءى ءى د جول پوليتسياسى قىزمەتكەرلەرىنە كومىر ساپاسىن باقىلاۋدى كۇشەيتۋدى، قالا كوشەلەرى مەن اۋاسىن لاستايتىن كولىك قۇرالدارىن قاتاڭ قاداعالاۋدى تاپسىردى.