ءۇندىستاننىڭ سىرتقى ىستەر ءمينيسترى قازاقستاننىڭ تاۋەلسىزدىك كۇنىن تويلاۋعا قاتىستى

دەپ حابارلايدى قىتايداعى «قازاقپارات» ح ا ا مەنشىكتى ءتىلشىسى.

2017 -جىلدىڭ 4 - جەلتوقسانىندا وتكەن ءىس- شاراعا ءۇندىستاننىڭ مەملەكەتتىك سىرتقى ىستەر ءمينيسترى موباشار دجاۆەد اكبار، قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى، تانىمال پيانينوشى ءجانيا اۋباكىروۆا، ق ر تۇڭعىش پرەزيدەنتى - ەلباسى قورى ديرەكتورىنىڭ ورىنباسارى مىندەتىن اتقارۋشى سەرگەي توقتاروۆ، ءۇندىستاننىڭ ساياسي جانە قوعام قايراتكەرلەرى، ديپلوماتيالىق وكىلدىكتەردىڭ باسشىلارى جانە تاعى باسقا قوناقتار قاتىستى.

قازاقستان ەلشىسى بولات سارسەنبايەۆ قۇتتىقتاۋ سوزىندە بيىل قازاقستان مەن ءۇندىستان اراسىنداعى ديپلوماتيالىق قاتىناستاردىڭ ورناعانىنا 25 جىل تولعانىن اتاپ ءوتتى.

«قازاقستان مەن ءۇندىستان ستراتەگيالىق ارىپتەس بولا وتىرىپ، ءوزارا تىعىز بايلانىس ورناتىپ، ءبىر- ءبىرىن ۇنەمى قولداپ كەلەدى»، - دەدى ول.

كەشتە قۇرمانعازى اتىنداعى قازاق ۇلتتىق كونسەرۆاتورياسىنىڭ ارتىستەرى ونەر كورسەتىپ، «تانىلماعان قازاقستان» فوتوكورمەسى ءوتتى.

بۇدان بۇرىن دەليدە تۇڭعىش پرەزيدەنت كۇنى قۇرمەتىنە «كۋتب- مينار» تاريحي كەشەنىنىڭ اۋماعىندا «تانىلماعان قازاقستان» فوتوكورمەسى، سونداي- اق ءجانيا اۋباكىروۆانىڭ جەكە كونسەرتى ۇيىمداستىرىلعان بولاتىن.