سالتاناتتى شارالارعا كامەنسكوە (بۇرىڭعى دنەپرودزەرجينسك) قالاسىنىڭ مەرى اندرەي بەلوۋسوۆ جانە نۇرسۇلتان نازاربايەۆتىڭ گرەك-ريم كۇرەسىنەن العاشقى باپكەرى ليەۆ ەجيەۆسكي كەلدى.
بۇل تۋرالى وبلىستىق اكىمدىكتىڭ باسپا ءسوز قىزمەتى حابارلادى.
ۋكراينالىق دنەرپرودزەرجينسك قالاسىندا 50- جىلداردىڭ سوڭىندا بولاشاق قازاقستاننىڭ پرەزيدەنتى نۇرسۇلتان نازاربايەۆ وقىعان. 8№ كاسىبي-تەحنيكالىق ۋچيليشەدە ەلباسى مەتاللۋرگ كاسىبىن مەڭگەرگەن.
«سول جىلداردىڭ وزىندە نۇرسۇلتان ءابىش ۇلى ءوز قاتارلاستارىنان ەرەكشەلەنەتىن. ول وقۋشىلار اراسىندا كوشباسشى بولدى، ۋچيليشەنىڭ باسشىلىعىمەن كەي ماسەلەلەردى شەشە الاتىن. قىسقاشا ايتقاندا ول ۇلكەن بەدەلگە يە بولاتىن، - دەيدى ءوزىنىڭ اتاقتى شاكىرتى تۋرالى ۋكراينا جانە قازاقستاننىڭ ەڭبەك سىڭىرگەن باپكەرى ليەۆ يجيەۆسكي قاراعاندىدا وتكەن «ءبىزدىڭ كوشباسشى - ءبىزدىڭ كۇشىمىز» فورۋمىندا ءسوز سويلەگەندە.
- ول كۇرەسپەن اينالىسۋعا كەلگەندە 18 جاستا بولاتىن. وتە تياناقتى، ۇقىپتى، اقىلدى بولدى. دەنە شىمىرلىعىمەن ەرەكشەلەنەتىن. ماعان تەك تابيعات بالۋان قىلىپ جاراتقان وقۋشىمدى ءسال شىنىقتىرۋ عانا قالعان».
باپكەر: «ەگەر نۇرسۇلتان ءابىش ۇلى كۇرەس جولىن قۋعاندا، وليمپيادا چەمپيونى بولار ەدى»، - دەيدى.
سالتاناتتى شارا مەديا-جوبا فورماتىندا ءوتتى. وعان جۇزدەگەن جاستار، سونداي-اق پرەزيدەنتتىڭ جاقتاستارى قاتىستى. توعىز ستۋدەنتتىك كوماندا ەلباسىنىڭ ءومىربايانىن ءبىلۋ دەڭگەيى بويىنشا زياتكەرلىك ۆيكتورينادا جارىستى.
ۋكراينادان كەلگەن قۇرمەتتى قوناقتاردى قاراعاندى قالاسىنىڭ اكىمى نۇرلان اۋباكىروۆ قارسى الدى. كەزدەسۋگە جەرگىلىكتى كۇرەسشى- سپورتشىلار جانە باپكەرلەر، سپورتتىق مەكەمەلەردىڭ جەتەكشىلەرى جينالدى. نۇرلان اۋباكىروۆ ايماعىمىزداعى گرەك-ريم كۇرەسىنىڭ قازىرگى جاعدايى مەن الداعى الەۋەتى جايلى ايتىپ بەردى. قوناقتار دا ءوز كەزەگىندە سپورتتى ايگىلەۋگە باعىتتالعان بۇقارالىق شارالاردى ۇيىمداستىرۋ جانە وتكىزۋ بويىنشا تاجىريبەلەرىمەن ءبولىستى.
اندرەي بەلوۋسوۆ پەن لەۆ ەجيەۆسكي تەمىرتاۋدا دا بولىپ قايتتى. 2000-جىلى تەمىرتاۋ مەن دنەپرودزەرجينسك دوس-قالالار بولعان. قازىرگى كەزدەسۋدە قالا باسشىلارى سەرىكتەستىك تۋرالى قوسىمشا كەلىسىمشارتقا قول قويدى.
قوناقتار تۇڭعىش پرەزيدەنت تاريحي-مادەني ورتالىعىنىڭ ەكسپوزيتسيالارىن قاراپ شىققان سوڭ، مەرەكەلىك كونسەرتتى تاماشالادى.