قازاقستان مەن قىرعىزستان ىنتىماقتاستىق تۋرالى جول كارتاسىنا قول قويدى
دەپ حابارلايدى primeminister.kz.
مينسكىدەگى قىرعىز پرەزيدەنتىمەن كەزدەسۋ قورىتىندىسى بويىنشا ەلباسى نۇرسۇلتان نازاربايەۆتىڭ تاپسىرماسىمەن قازاقستان ۇكىمەتى كورشى ەلدىڭ ۇكىمەتتىك دەلەگاتسياسىمەن كەلىسسوزدەر جۇرگىزدى. سونىڭ ناتيجەسىندە ەكىجاقتى ەكونوميكالىق ىنتىماقتاستىق تۋرالى جول كارتاسىنا قول قويىلدى. ونىڭ ىشىندە شەكاراداعى جاعداي دا قامتىلعان.
جول كارتاسى شەكارا، كولىك، فيتوسانيتاريالىق جانە ۆەتەرينارلىق باقىلاۋ، كەدەندىك جانە سالىقتىق اكىمشىلەندىرۋ سالالارى بويىنشا ءوزارا قارىم- قاتىناس، سونداي- اق ەكىجاقتى ىنتىماقتاستىقتىڭ ماڭىزدى ماسەلەلەرىن شەشۋگە نەگىزدەلگەن 50 شارانى قامتيدى.
قۇجاتتا تەز ارادا قولعا الىنۋى ءتيىس 16 شارا، قىسقا ۋاقىتتا جاساۋى ءتيىس 5 جانە جۇيەلى تۇردە جاسالاتىن 29 شارا قامتىلعان.
«بۇل شارالار قىرعىز ەكونوميكاسىنىڭ ە ا ە و نورماارى مەن تالاپتارىنا بەيىمدەلىپ، بۇل ەلدىڭ تاۋارلارى ە ا ە و نارىعىنا ەركىن شىعا الۋى ءۇشىن قولعا الىنىپ وتىر»، - دەيدى اسقار مامين.
جول كارتاسىنا قول قويعان سوڭ قازاقستان مەن قىرعىزستان ەاەو سىرتقى شەكاراسىندا كەدەندىك، سالىقتىق، ۆەتەرينارلىق، فيتوسانيتاريالىق جانە سانيتارلىق- ەپيدەميولوگيالىق باقىلاۋ جۇرگىزۋدى قامتاماسىز ەتۋدىڭ جاڭا تاسىلدەرىنە، سونداي- اق قازاقستان- قىرعىز شەكاراسى ارقىلى ەكسپورتتىق- يمپورتتىق جانە ترانزيتتىك تاۋارلاردى ەۋرازيالىق ەكونوميكالىق كوميسسيا وكىدەرىنىڭ قاتىسۋىمەن وتكىزۋگە قول جەتكىزەدى.
قىرعىز تاراپى جوعارىدا كورسەتىلگەن سالالار بويىنشا ەاەو تالاپتارىنا تولىقتاي ساي كەلەتىن دارەجەدە باقىلاۋ جاساۋدى موينىنا الدى.
ەربول جانات